बॉलिवूड अभिनेत्री शिल्पा शेट्टी (Shilpa Shetty) बऱ्याच दिवसांपासून तिचा पुढचा चित्रपट 'हंगामा 2' याबद्दल चर्चेत आहे. या चित्रपटासह ती बर्‍याच दिवसांनी मोठ्या पडद्यावर परतणार आहे. शिल्पाच्या या चित्रपटाविषयी चाहतेही खूप उत्सुक आहेत. परेश रावल (Paresh Rawal) आणि राजपाल यादव (Rajpal Yadav) स्टारर कॉमेडी फिल्म 'हंगामा 2' (Hungama 2) यंदा 23 जुलैला 'डिज्नी+ हॉटस्टार' (Disney+ Hotstar)वर रिलीज होणार आहे. चित्रपटाचे नवीन पोस्टर 'डिज्नी+ हॉटस्टार या डिजिटल प्लॅटफॉर्मच्या ऑफिशियल ट्विटर अकाउंटवर शेअर केले गेले आहे आणि त्याची रिलीज डेट सांगितली गेली आहे. ट्विटमध्ये असे लिहिले आहे की, "आपल्या आवडत्या कलाकारांना पाहण्याची प्रतीक्षा संपली आहे आणि यावेळी आयकॉनिक कलाकारांसह डबल 'हंगामा' होईल. तुम्ही हसण्यासाठी तयार आहात का?"(Hungama 2 trailer will be released on July 23)

'हंगामा 2' 2003 साली आलेल्या 'हंगामा'चा सिक्वेल आहे आणि यावर्षी 14 ऑगस्ट रोजी चित्रपटगृहात प्रदर्शित होणार होता. पण कोविड-19 च्या दुसर्‍या लाटेमुळे थिएटर बंद होण्याच्या पार्श्वभूमीवर चित्रपट निर्मात्यांनी मेमध्ये थेट ‘ओव्हर टॉप’ (OTT) प्लॅटफॉर्मवर प्रदर्शित करण्याचा निर्णय घेतला.

'हंगामा 2' चित्रपटाचा ट्रेलर गुरुवारी म्हणजे उद्या प्रदर्शित होणार आहे. परेश रावल पुन्हा एकदा यात दिसणार आहेत आणि त्याच्यासोबत शिल्पा शेट्टी कुंद्रा, मीझान आणि प्रनिता सुभाष हे या सिनेमात सामील होणारे नवीन स्टार आहेत. यात आशुतोष राणा, मनोज जोशी, राजपाल यादव, जॉनी लीव्हर आणि टीकू तलसानिया देखील महत्त्वपूर्ण भूमिकेत दिसणार आहेत. परेश रावल व्यतिरिक्त शोमा आनंद, अक्षय खन्ना, आफताब शिवदासानी आणि रिमी सेन पहिल्या ‘हंगामा’ मध्ये दिसले होते.