Akshay Kumar च्या 'हेराफेरी 3' या कॉमेडी सिनेमाची एक मोठी नवी अपडेट समोर येत आहे. आता म्हणे सिनेमाविषयी एक मोठा वाद उभा राहिला आहे. मिळालेल्या माहितीनुसार हा वाद 'हेराफेरी 3' च्या मेकिंग राइ्टस संदर्भातला आहे.

इरॉस इंटरनॅशनलने सिनेमाच्या विरोधात एक कायदेशीर नोटीस जारी केली आहे. (Akshay Kumar Hera Pheri 3 faces legal trouble know details) आता हा वाद कायदेशीर असल्यामुळे साहजिकच चित्रपट अडचणीत आला आहे.

त्याचं झालं असं की, इरॉस इंटरनॅशनलनं सिनेमाच्या निर्मात्यांना एक कायदेशीर नोटीस पाठवली आहे. यामध्ये दावा केला आहे की सिनेमाचे सर्व राइट्स हे अजूनही इरॉस इंटरनॅशनलजवळ आहेत.

आपल्या माहितीसाठी इथे सांगतो की याआधी देखील 'हेराफेरी 3' संदर्भात मोठा वाद रंगला होता. टीसीरिज क़डून सिनेमाला नोटीस जारी केली गेली होती

इरॉस इंटरनॅशनकडून जे नोटीस जारी केलं गेलं आहे त्यात नाडियादवाला ग्रुपनं अद्याप त्यांना 60 करोड रुपये देणं बाकी आहे.

त्यांनी लिहिलं आहे की,''नाडियादवाला ग्रुपकडून यासंदर्भात शाश्वती दिली गेली होती की जोपर्यंत हे पैसे दिले जाणार नाहीत तोपर्यंत हेराफेरी 3 चे राइट्स इरॉसकडेच राहतील''.

यामध्ये म्हटलं गेलं आहे की, ''इरॉस जवळ सिनेमाचे राइट्स आहेत . ज्यामध्ये टायटलच नाही तर सिनेमाचे डिजिटल,म्युझिक राइट्स देखील त्यांच्याजवळ आहेत.

नाडियाडवाला कोणत्याही तिसऱ्या व्यक्तीला इरॉसच्या सहमतीशिवाय सिनेमाचे राइट्स विकू शकत नाहीत यावर देखील दोन्ही ग्रुपचं एकमत झालं होतं''.