Elvish Yadav: बिग बॉस ओटीटी सीझन २ विजेता एल्विश यादव पून्हा एकदा चर्चेत आला आहे. एल्विश आपल्या वाढदिवसानिमित्त दुबईत करोडोंचे आलिशान घर घेतल्याची माहीती मिळाली आहे.

एल्विशने व्हिडिओवर शेअर करत या घराची माहीती दिली आहे. दुबईतल्या विमानतळापासून ते त्याच्या घरापर्यंत हा व्हिडिओ शेअर केला आहे. अनेक बेडरुम असलेले हे घर सर्व सोयीसुविधांनी संपूर्ण आहे. युट्यूबवर त्याच्या या व्हिडिओला दर्शकांकडून चांगलीच पसंती मिळताना दिसत आहे.

या घराचे वैशिष्ट्य म्हणजे या घराचे छत होय. टेरेसवरुन संपूर्ण दुबईचे दर्शन घडते. मिळालेल्या माहीतीनुसार, या घरासाठी एल्विशने ८ कोटी रुपये मोजले आहेत. दरम्यान, या व्हिडिओमध्ये एल्विश त्याच्या मित्रासोबत असून आपला २६ वा वाढदिवस साजरा करत आहे. त्याने व्हिडिओमध्ये त्याच्या नवीन घराची चाहत्यांना टूर घडवून आणली आहे.

बिग बॉस ओटीटीच्या सीझन २ मध्ये त्याने संपूर्ण भारतातील प्रेक्षकांचे मन जिंकून घेतले होते. या शो नंतर त्याच्या चाहत्यांची संख्या वाढली आहे. आता एल्विशचे हे नवीन घर चर्चेचा विषय बनला आहे. लोक त्याला वाढदिवसानिमित्त शुभेच्छा देताना दिसत आहेत. त्याच्यासोबत त्याच्या संपूर्ण क्रूची देखील लोक प्रशंसा करताना दिसत आहेत.