बॉलीवुड अभिनेत्री आलिया भट्ट गंगूबाई काठीयावाडी चित्रपटाच्या यशानंतर सातत्याने सोशल मिडियावर चर्चेत असते. आलिया तिच्या चित्रपटासोबतच तिच्या वैयक्तिक आयुष्याबद्दलही नेहमीच चर्चेत असते. सोशल मिडियावर आलियाच्या लव्ह लाईफपासून तिच्या सह कलाकारांसोबतच्या बॉंडिंगपर्यंतच्या चर्चा आहेत, पण आलिया भट्ट (Alia Bhatt) आणि इमरान हाश्मी (Emraan Hashmi) यांच्यात खास नाते आहे हे फार कमी लोकांना माहीत आहे. बॉलीवूडमधील (Bollywood) सीरियल किसर म्हणजेच इमरान हाश्मी आणि 'गंगूबाई काठियावाडी'मधील अभिनेत्री आलिया भट्ट यांच्यात भावा- बहिणीच नातं आहे.

इमरान हाश्मीचे (Emraan Hashmi) वडील म्हणजेच अन्वर हाश्मी हे अभिनेत्री पूर्णिमा दास वर्मा यांचा मूलग आहे. पौर्णिमा दास यांची बहीण शिरीन मोहम्मद ही चित्रपट दिग्दर्शक महेश आणि मुकेश भट्ट यांची आई आहे. सोप्या भाषेत सांगायचे तर इमरान हाश्मीची आजी आणि आलिया भट्ट आजी या सख्या बहिणी आहेत. त्यानुसार इमरान हाश्मी आणि आलिया भट्ट (Alia Bhatt) चुलत भाऊ आणि बहिण आहेत.

इमराण हाश्मीने बॉलीवुडमध्ये 18 वर्ष पूर्ण केली आहे. मर्डर, गँगस्टर, जन्नत यासरख्या चित्रपटातून सीरियल किसरची ओळख मिळवलेल्या इमरान हाश्मीने प्रेक्षकांचे भरपूर मनोरंजन केले आहे. आता इमरान हाश्मीने आपली किसिंग किंगची ओळख मागे टाकत अॅक्शन आणि सस्पेन्स चित्रपटांमध्ये काम करण्यास सुरुवात केली आहे.तर आलिया ब्रह्मास्त्र आणि आरआरआर या चिटपटांच्या माध्यमातून प्रेक्षकांच्या भेटीस येणार आहे.