बॉलिवूड (Bollywood) अभिनेता सोनू सूद (Sonu Sood) रोज कोणत्या ना कोणत्या संकटात अडकत आहे. आता बृहमुंबई महानगरपालिकेने (BMC) सोनूला नोटीस पाठवली आहे. ज्यामध्ये त्याने सहा मजली इमारतीचे हॉटेलमध्ये रूपांतर केले आता पुन्हा निवासी इमारतीत रूपांतर करण्यास सांगितले आहे. सोनूला ही नोटीस 15 नोव्हेंबरला बजावण्यात आली होती. या इमारतीला हॉटेल बनवताना करण्यात आलेले बेकायदा बांधकाम हटवण्यासाठी ही नोटीस पाठवण्यात आली आहे.
सोनूला बीएमसीने या वर्षाच्या सुरुवातीला त्याच्या जुहू हॉटेलचे निवासी इमारतीत रूपांतर करून बेकायदा बांधकाम हटवण्यास सांगितले होते. सोनूने मुंबई हायकोर्टात सांगितले होते की, मी बीएमसीचे पालन करतो आणि स्वत: या इमारतीचे नूतनीकरण करून देतो.
असे नोटीसमध्ये म्हटले आहे
बीएमसीने नोटीसमध्ये असे म्हटले आहे, सोनूने अद्याप या इमारतीचे नूतनीकरण केलेले नाही. तुम्ही पहिल्या आणि सहाव्या मजल्यावरील कामे थांबवू असे सांगितले होते. तसेच सोनूने त्याचा उपयोग रहिवाशांसाठी होणार असल्याचे सांगून काही महत्त्वाचे काम करून घेत असल्याचे सांगितले होते. बीएमसीच्या अधिकाऱ्याने 20 ऑक्टोबरला जागेची पाहणी केली. ज्यामध्ये आपण नियोजनानुसार काम सुरू केले नसल्याचे दिसून आले.
या व्यक्तीने तक्रार केली
कार्यकर्ते गणेश कुसामुलू यांनी सोनू सूदविरोधात तक्रार दाखल केली आहे. त्यांनी हॉटेलचे रुपांतर मुलींच्या वसतिगृहात केले आहे. बीएमसीने ही इमारत पाडावी. वृत्तानुसार, सोनूने बीएमसीला सांगितले की, ती निवासी मालमत्ता राहील आणि कोणतेही बेकायदेशीर बांधकाम केले जाणार नाही.
लॉकडाऊनमध्ये लोकांचा मसिहा बनून पुढे आलेला सोनू सूद अजूनही लोकांना मदत करण्यात गुंतलेला आहे. नुकताच तो साऊथचे कोरिओग्राफर शिव शंकर यांच्या मदतीसाठी धावून आला. शिवशंकर कोरोनाचे बळी ठरले होते. यादरम्यान सोनूने कुटुंबीयांच्या मदतीचा हात पुढे केला, मात्र प्रकृती अस्वास्थ्यामुळे शिवशंकर यांचा मृत्यू झाला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.