Bigg Boss 17 Promo: बिग बॉस १७ च्या सीझन मध्ये सातत्याने काहीतरी ट्विस्ट घडताना दिसत आहेत. वीकेंड का वॉर च्या इंटरटेस्टिंग एपिसोडनंतर आता पुन्हा नवीन आठवड्याला सुरुवात होणार आहे. आता बिग बॉसचा नवीन प्रोमो रिलिज झाला आहे.

अंकिता लोखंडे आणि नील भट्ट यांच्यात नॉमिनेशनवरुन जोरदार भांडण झाले आहे. जेव्हा नील अंकिताची नक्कल करू लागला तेव्हा त्यांच्यातील भांडण वाढल्याचे दिसत आहे. दोघे एकमेकांवर वरचढ ठरताना दिसले आहेत.

यानंतर, नॉमिनेशनची प्रक्रिया सुरू होते, ज्यामध्ये विक्की जैनने नील भट्टला नॉमिनेट केले की शोमध्ये त्याचा खेळ फार मजबूत नाही, त्यानंतर नीलने अंकिताला नॉमिनेट केले. नॉमिनेशनमागचे कारण विचारले असता नीलने सांगितले की, त्याला अंकिता खोटे वागत आहे असे वाटते. यावरून त्यांच्यात हाणामारी सुरू झाली. अंकिता नीलबद्दल सांगते की तो फक्त एक सुरक्षित खेळ खेळत आहे आणि घाबरट आहे.

नंतर नील अंकिताची नक्कल करताना दिसला. यावर अंकिताला राग आला आणि त्यांनी आरडाओरडा करण्यास सुरुवात केली. मात्र, नीलने तेच सुरू ठेवले. या आठवड्यासाठी कोणते स्पर्धक नॉमिनेट होणार हे पाहणे रोमांचक असेल.

समोर आलेल्या माहीतीनुसार, या आठवड्यात रिंकू धवन, खानझादी, विक्की जैन, अंकिता लोखंडे, नील भट्ट, मन्नारा चोप्रा, अनुराग डोवाल आणि अरुण अशी नॉमिनेट झालेल्या सदस्यांची नावे आहेत. दरम्यान, आता बिग बॉसच्या सीझनमध्ये कोण कोणावर भारी पडणार हे पाहणे महत्वाचे ठरणार आहे.