Bigg Boss 17 Promo: बिग बॉसच्या शोमध्ये दररोज काहीतरी घडताना दिसते. सदस्यांमध्ये वाद-विवाद तर ठरलेलेच असतात. आता मात्र समोर आलेल्या नवीन प्रोमोमध्ये शो मध्ये नवीन ट्वीस्ट समोर आला आहे.

बिग बॉस 17 च्या प्रोमोमध्ये, विकी जैन, सना रईस खान, अरुण, सनी आर्या आणि अनुराग धोभल या विचारवंत घरातील मित्रांना आर्काइव्ह रूममध्ये बोलावण्यात आले होते.

बिग बॉसने विचारले, 'आज मला तुमच्याकडून त्या घरातील तीन सदस्यांची नावे जाणून घ्यायची आहेत, तुमच्या मते ते सदस्य याआधीच घरातून बाहेर जायला हवे होती. यानंतर सना नीलचे नाव घेते, तर विकीही जिग्ना, रिंकू, नील ,अभिषेक आणि नावेद यांची नावे घेतो.

पण विक्कीचे म्हणणे आहे की नावेद थोडा कॉमेडी आहे पण अभिषेक मनोरंजन करु शकत नाही. यानंतर सगळ्यांना एकत्र जमवून बिग बॉस म्हणतात की घर क्रमांक दोनच्या सदस्यांनी मला तीन नावं सांगितली आहेत, ज्यांची या घरातील वेळ आधीच संपायला हवी होती. सध्या या तीन सदस्यांपैकी एक सदस्य बेघर होणार आहे. यानंतर घरातील सदस्य भावूक होताना दिसत आहेत.

मिळालेल्या माहीतीनुसार, नावेदचा बिग बॉसमधील प्रवास संपला आहे. त्याचवेळी जिग्नाला ती डेंजर झोनमध्ये असल्याचे सांगण्यात आले आहे. अशा स्थितीत तिला आपल्या खेळात आणखी काही सुधारणा करण्याची गरज आहे.

नावेदच्या जाण्याच्या वेळी अभिषेक, नील, अंकिता सगळेच रडले. जिग्नानेदेखील आपल्याला घराबाहेर जायचे असल्याचे म्हटले आहे. दरम्यान, असे म्हटले जात आहे की, 3-4 लोकांना घरातून बाहेर काढले जाईल आणि काही वाइल्डकार्ड येतील. आता बिग बॉसच्या घरात नेमके काय बदल होणार हे पाहणे महत्वाचे ठरणार आहे.