Bigg Boss 17: बिग बॉसच्या १७ व्या सीझनला सुरुवात झाली आहे. यावर्षीचा बिग बॉसच्या खेळाचा फॉरमॅटदेखील बदलला आहे. बिग बॉसने आधीच स्पष्ट केले आहे की, जो स्पर्धक बिग बॉससाच्या खेळासाठी उत्तम असेल तो माझा आवडता असेल आणि मी उघडपणे एखाद्याची बाजू घेईन, त्यामुळे खेळ अजून जास्त मजेशीर झाल्याचे म्हटले जात आहे.

आता या सीझनमध्ये दोन जोड्यादेखील सहभागी झाल्या आहेत. प्रसिद्ध टीव्ही अभिनेत्री अंकिता लोखंडे आणि तिचा पती विकी याबरोबरच दुसरी जोडी म्हणजे ऐश्वर्या शर्मा आणि नील भट्ट आहे. आता या जोड्या एकमेकांशीच भांडताना दिसत आहे.

ऐश्वर्या शर्मा आणि नील भट्ट

एकीकडे ऐश्वर्या शर्माला बिग बॉसचा फॉरमॅट समजत नसल्याचे ती म्हणताना दिसत आहे. बिग बॉसने विचारल्यावरदेखील ती अशाच प्रकारचे संभाषण करताना दिसत असून माझे मूड स्वींग्स होत असल्याचे म्हणत आहे. मात्र नील भट्ट मात्र आपले १०० टक्के देताना दिसत आहे.

अंकिता लोखंडे आणि विकी

दुसरीकडे बिग बॉसच्या घरात विकी चांगलाच रमला असून त्याने आपला गेम खेळ खेळण्यास सुरुवातदेखील केली आहे मात्र अंकिताने यावर तक्रार केली आहे. तो सगळ्यासोबत असतो मात्र माझ्यासोबत असत नाही अशी तक्रार अंकिताने विकीकडे केली आहे. याबरोबरच ती म्हणते, मला इतर लोकं दुखवू शकत नाहीत. मला फक्त आपली लोकं दुखावू शकतात आणि तू मला दुखावले आहेस. त्यावर विकी तिला सॉरी म्हणताना दिसत आहे.

आता बिग बॉसच्या घरातील या दोन्ही जोड्यांवर प्रेक्षक मात्र नाराज दिसून आले आहेत. याबरोबरच, असेही म्हटले जात आहे की, बिग बॉस( Bigg Boss )च्या खेळामुळे त्यांच्या नात्यात दुरावा येऊ शकतो.

आता खेळ जसा पुढे जाईल तशी कोणता स्पर्धक टिकणार आणि कोणता स्पर्धक नाही हे समजणार आहे. टीव्ही( TV ) मालिकांमधून प्रसिद्ध झालेले कलाकार आता रिअॅलिटी शोमधून प्रेक्षकांच्या मनात आपली जागा करणार का हे पाहणे महत्वाचे ठरणार आहे. आता कोण कोणावर भारी पडणार हे पाहणे महत्वाचे ठरणार आहे.