सलमान खान होस्ट करत असलेल्या बिग बॉस 16 ची सतत चर्चा सुरू असते. आता ही चर्चा अजुन वाढणार आहे कारण बिग बॉसने छप्पर फाड कमाई करत सगळे रेकॉर्ड तोडले आहेत. बिग बॉसची यावेळची कमाई समोर आली असुन ती गेल्यावेळेपेक्षा जास्त असल्याचे दिसतेय. त्याचबरोबर बिग बॉस 16 चे टिव्ही आणि ओटीटीचे प्रेक्षकांमध्येही वाढ झाल्याचं समोर आलं आहे. टिव्हीच्या प्रेक्षकांमध्ये 41% आणि ओटीटीच्या प्रेक्षकांमध्ये 40% वाढ झाली आहे.

बिग बॉस 16 ची जोरदार चर्चा नेहमीच सुरू असते. गेली 12 वर्षे सलमान खान हा शो होस्ट करतोय या शोला प्रेक्षकांकडुन प्रचंड प्रतिसाद मिळत आहे. आतापर्यंतच्या गाजलेल्या नॉन फिक्शनल रिअॅलिटी शो मध्ये बिग बॉसचा समावेश झाला आहे.

बिग बॉसच्या कमाईचे आकडे समोर आले आहेत हे आकडे ऐकुन नक्कीच तुमची शुद्ध हरपुन जाईल. बिग बॉस ओटीटी ने गेल्या वर्षात 120  कोटी रुपयांची कमाई केली आहे. जाहिरातींच्या माध्यमातून 150 कोटी रुपयांची कमाई बिग बॉसने केली आहे.जसजसा शोचा प्रतिसाद वाढत राहील तसतशी बिग बॉसच्या कमाईत वाढ होणार असल्याचा अंदाज व्यक्त केला जात आहे.