Baba Ramdev Slams Bollywood over Drugs Consumption : बाबा रामदेव मुरादाबादमध्ये ड्रग फ्री इंडिया कार्यक्रमात सहभागी झाले होते. येथे ते स्टेजवरून लोकांना प्रोत्साहन देताना दिसले. मंचावरून त्यांनी बॉलिवूड अभिनेत्यांची पोल उघडली. सलमान खान, शाहरुख खान आणि आमिर खानचे माहीत नाही असे म्हणत त्यांनी अतिशय वादग्रस्त विधान केले. बाबा रामदेव यांनी फिल्म इंडस्ट्रीवर ड्रग्ज घेत असल्याचा आरोप केला.

आर्य वीर महासंमेलनात सहभागी होण्यासाठी मुख्यमंत्री योगी मुरादाबादला पोहोचले होते. त्यांच्या आधी याच ठिकाणी बाबा रामदेव यांची परिषद आणि कार्यक्रम झाला होता. रामदेव यांनी शाहरुख खान आणि सलमानचे उदाहरण देत ड्रग्जचा वापर करत असल्याचा आरोप केला.

(Baba Ramdev Slams Bollywood over Drugs Consumption)

शाहरुख खानचा मुलगा आर्यनवर टोमणा

बाबा रामदेव यांनी व्यासपीठावरून सर्वांना आवाहन केले. ते म्हणाले की, आपल्यापैकी कोणीही बिडी, सिगारेट, दारू पिऊ नये हे आपल्या सर्वांचे कर्तव्य आहे. यामध्ये आर्य समाजाने केलेल्या कामाची सर्वाधिक गरज असल्याचे ते म्हणाले. संपूर्ण देश नशामुक्त झाला तर समजून घ्या की महर्षी दयानंदजींचे स्वप्न पूर्ण झाले आहे.

यावेळी सलमान-आमिरबरोबर बाबा रामदेव यांनी बॉलीवूड आणि हिंदी चित्रपटसृष्टीवरही ड्रग्जबाबत जोरदार हल्ला चढवला. ते म्हणाले, यापूर्वी तुम्ही शाहरुख खानचा मुलगा यामुळेच तुरुंगात गेला. सलमान खान ड्रग्ज घेतो आणि आमिरही. फिल्म इंडस्ट्रीत सगळीकडे ड्रग्ज घेतात, असे म्हणत बाबा रामदेव यांनी बॉलीवूडवर निशाणा साधला आहे.

ऋषीमुनींची ही भूमी नशामुक्त करायची आहे, असा संकल्प आपण करायला हवा. आपण व्यसनमुक्तीसाठीही चळवळ चालवणार आहोत. बॉलीवूडचा ड्रग्जशी संबंध असल्याच्या अनेक चर्चा रंगल्या आहेत. अभिनेता सुशांत सिंग राजपूतच्या मृत्यूनंतर ड्रग कनेक्शनची चर्चा सुरू झाली होती.

तेव्हापासून बॉलिवूड आणि त्यातील स्टार्स एनसीबीच्या निशाण्यावर आहेत. ड्रग्ज आणि बॉलीवूडवरूनही राजकारण चांगलेच तापले आहे. गेल्या वर्षी शाहरुख खानचा मुलगा आर्यन खान याला एनसीबीने ड्रग्ज प्रकरणात अटक केली होती. मात्र, आर्यनच्या विरोधात कोणतेही पुरावे न मिळाल्याने त्याची या प्रकरणातून निर्दोष मुक्तताही करण्यात आली.