Dream Girl 2 Box Office Collection Day 2 : गेल्या काही दिवसांपासुन बॉक्स ऑफिसवर गदर 2 या चित्रपटाने चांगलाच धुमाकूळ घातला आहे. याच वर्षी रिलीज झालेल्या शाहरुख खानच्या पठानने बॉलीवूडच्या वर्षाची चांगली सुरूवात केली होती.
या चित्रपटांसोबतच मनोरंजन विश्वात एका चित्रपटाची प्रतिक्षा चाहते करत होते ;आणि तो चित्रपट नुकताच रिलीज झाला आहे. आम्ही बोलतोय ड्रीम गर्ल 2 बद्दल.
राज शांडिल्य दिग्दर्शित, ड्रीम गर्ल 2 हा आयुष्मानच्या 2019 च्या हिट ड्रीम गर्लचा सिक्वेल आहे. आयुष्मान खुराना व्यतिरिक्त या चित्रपटात अनन्या पांडे देखील आहे.
ड्रीम गर्ल 2 मध्ये आयुष्मान खुराना मुख्य भूमिकेत आहे, त्याच्या रिलीजच्या दुसऱ्या दिवशी चित्रपटाच्या देशांतर्गत बॉक्स ऑफिस कलेक्शनमध्ये वाढ झाली आहे.
Sacnilk.com नुसार , चित्रपटाने शनिवारी ₹ 14 कोटी कमावले, गदर 2 ने त्याच दिवशी कमावलेल्या कमाईपेक्षा ही कमाई जास्त आहे. गदरने रिलीजच्या 16 व्या दिवशी चांगली कमाई केली असली तरीही दुसऱ्या दिवशीच्या कमाईच्या स्पर्धेत ड्रीम गर्ल जिंकला आहे.
सुरुवातीच्या अंदाजानुसार, सनी देओल स्टारर चित्रपटाने तिसऱ्या शनिवारी ₹ 12.5 कोटी कमावले .
Sacnilk.com च्या मते, ड्रीम गर्ल 2 ने शुक्रवारी ₹ 10.69 कोटी कमावले. सुरुवातीच्या अंदाजानुसार ते ₹ 14 वर आले. चित्रपटाचे दोन दिवसांचे बॉक्स ऑफिस कलेक्शन ₹ 24.69 कोटी इतके आहे. शनिवारी या चित्रपटाची एकूण 41.40 टक्के इतकी कमाई होती.
राज शांडिल्य दिग्दर्शित, ड्रीम गर्ल 2 हा आयुष्मानच्या 2019 च्या याच शीर्षकाचा हिट चित्रपटाचा सिक्वेल आहे. आयुष्यमानने त्याची भूमिका पुन्हा त्याच जोमात केली.
चित्रपटातल्या या पात्राला प्रेयसीशी लग्न करण्यासाठी पुरेसे पैसे कमवण्यासाठी पूजा बनण्याचा निर्णय घेतो. चित्रपटात अनन्या पांडेने भूमिका केली आहे.
ड्रीम गर्ल 2 मध्ये परेश रावल, अन्नू कपूर, राजपाल यादव, विजय राज, आसरानी, अभिषेक बॅनर्जी, मनजोत सिंग आणि सीमा पाहवा देखील आहेत. याची निर्मिती एकता आर कपूरच्या बालाजी मोशन पिक्चर्सने केली आहे.
एका प्रेस नोटमध्ये, निर्मात्यांनी सांगितले की हा चित्रपट आयुष्मानचा "आतापर्यंतचा सर्वात मोठा ओपनर" ठरला आहे. आयुष्यमानच्या 2019 च्या बाला चित्रपटाच्या पहिल्या दिवसाच्या कमाईचा आकडा ₹ 10.15 कोटी इतका होता. आयुष्मान म्हणाला की ड्रीम गर्ल 2 ने देशांतर्गत बॉक्स ऑफिसवर चांगली सुरुवात केली याचा मला आनंद आहे.
"ड्रीम गर्ल 2 सोबत माझ्या कारकिर्दीची सर्वोत्कृष्ट सुरुवात करणे आश्चर्यकारक वाटते. ड्रीम गर्ल ही एक फ्रँचायझी आहे ज्याने मला खूप प्रेम दिले आहे आणि ड्रीम गर्ल 2 ने बॉक्स ऑफिसवर मिळवलेल्या सुरुवातीमुळे मी खरोखर आनंदी आहे," असं आयुष्यमानने तो पीटीआय या वृत्तसंस्थेने दिलेल्या निवेदनात म्हटले आहे.
"मनोरंजक म्हणून, लोकांना थिएटरमध्ये आणणे आणि त्यांना चांगला वेळ घालवण्याचा अनुभव घेणे आश्चर्यकारक वाटते.
ड्रीम गर्ल 2 हा एक चित्रपट आहे जो मनोरंजन प्रदान करतो. चित्रपट एक मोठे वचन देतो की लोक मनापासून हसतील आणि ते चांगले आहे.