Ankita Lokhande: बिग बॉसचा १७ चा सीझन नुकताच संपला आहे. रविवारी २८ जानेवारीला या रिऍलिटी शो चा ग्रँड फिनाले पार पडला आहे. मुनव्वर फारुकीने या सीझनचे विजेतेपद आपल्या नावावर केले आहे. अभिषेक कुमार फर्स्ट रनअर अप, मन्नारा चोप्रा सेंकड रनरअप आणि अंकिता लोखंडे थर्ड रनर अप अशा स्थानावर होते.

आता सीझन संपला तरी काही स्पर्धकांच्या चर्चा चांगल्याच रंगल्या आहेत. टीव्ही अभिनेत्री अंकिता लोखंडे ही आता तिच्या सासूमुळे पुन्हा एकदा चर्चेत आली आहे. अंकिता लोखंडेची सासू रंजना जैन 'बिग बॉस 17' च्या ग्रँड फिनालेमध्ये तिच्या मोठ्या सुनेसोबत लाल बनारसी साडीत पोहोचली होती. यावेळी सलमानने तिला चिडवल्याचे पाहायला मिळाले.

फॅमिली वीक दरम्यान विकी जैनची आई शोमध्ये आली होती, त्यानंतर ती खूप चर्चेत होती. शोमध्ये अंकिता आणि विकी जैन यांच्यात कडाक्याचे भांडण झाले होते आणि त्यामुळे सासूने नॅशनल टेलिव्हिजनवर सुनेचा क्लास घेतला होता. त्यानंतर घराबाहेर पडल्यानंतर मुलाखतीमध्ये त्यांनी केलेल्या वक्तव्यांवरदेखील मोठी उलटसुटल चर्चा झालेली पाहायला मिळाली होती.

आता ग्रँड फिनालेमध्ये सलमान खानने अंकिता आणि तिच्या सासूबाई यांच्याबरोबर चांगलीच धमाल केली आहे. तो दोघींकडून वचनेदेखील घेताना दिसला आहे. यासोबतच सलमान खान अंकिताच्या सासूबाईंना म्हणाला, की तुम्हीच पुढच्या सीझनमध्ये स्पर्धक म्हणून या, या लोकांनी तर या वर्षी काही केलं नाही. यावर त्या हसून प्रतिसाद देताना पाहायला मिळाल्या आहेत.

दरम्यान, या शोमध्ये अंकिता आणि विकी या दोघा नवरा बायकोमध्ये मोठी भांडणे झालेली पाहायला मिळालेली होती. त्यावरुन या दोघांचे नाते पुढे टिकणार की नाही अशा चर्चा रंगताना पाहायला मिळाल्या होत्या.