Amir Khan will Play role of ad.ujjwal Nikam : लाल सिंह चढ्ढाच्या अपयशानंतर अभिनेता आमिर खानने इंडस्ट्रीतून ब्रेक घेण्याची घोषणा केली होती. त्याच्या शेवटच्या चित्रपटाच्या दरम्यान बॉयकॉटचा ट्रेंड चालू होता. या ट्रेंडचा मोठा फटका आमिरच्या चित्रपटाला बसला होता.
हॉलीवूडचा चित्रपट फॉरेस्ट गम्पचा रिमेक असलेल्या या चित्रपटात आमिरसोबत करीना कपूरही दिसली होती. चांगली कथा आणि अभिनय असूनही चित्रपटाला फारसा प्रतिसाद मिळाला नाही. आता आमिर एका नव्या भूमीकेत नव्या चित्रपटासह परतण्यासाठी सज्ज आहे.
आमिर आता एका पूर्णत: वेगळ्या भूमीकेत दिसणार आहे. अमर उजालाच्या वृत्तानुसार आमिर खान ॲडव्होकेट उज्ज्वल निकम यांच्या बायोपिकमध्ये दिसणार असल्याच्या बातम्या येत आहेत. ही बातमी ऐकून साहजिकच चाहते खूप उत्साहित झाले आहेत.
बॉलीवूडचा मिस्टर परफेक्शनिस्ट आमिर खान प्रत्येक चित्रपटात आपल्या प्रेक्षकांसाठी काही वेगळा आशय घेऊन येतो. आमिरने बहुतेक चित्रपटांमध्ये काम केले आहे ज्यामध्ये समाजाबद्दल नक्कीच काहीतरी छुपा संदेश असतो.
मात्र, अभिनेत्याचा मागील चित्रपट 'लाल सिंह चड्ढा' फ्लॉप झाल्यानंतर आमिरने चित्रपटातून ब्रेक घेण्याची घोषणा केली होती. आता बातम्या येत आहेत की आमिर चित्रपटांमध्ये पुनरागमन करण्याच्या तयारीत आहे.
अमर उजालाच्या वृत्तानुसार, आमिर पुन्हा एकदा मोठ्या पडद्यावर परतण्यासाठी सज्ज झाला आहे. मिस्टर परफेक्शनिस्ट ॲडव्होकेट उज्ज्वल निकम यांच्या बायोपिकमध्ये दिसणार असल्याची बातमी समोर येत आहे.
अविनाश अरुण या चित्रपटाचे दिग्दर्शन करत आहेत. अविनाशने 'पाताल लोक', 'स्कूल ऑफ लाईज' आणि 'किल्ला' सारखे चित्रपट केले आहेत.
अलीकडेच एका मुलाखतीत आमिर म्हणाला, 'ही गोष्ट कशी समोर आली हे मला माहीत नाही कारण प्रत्यक्षात हा चित्रपट अगदी सुरुवातीच्या टप्प्यात आहे.
याबद्दल बोलणे खूप घाईचे आहे. माझ्याकडे काही कल्पना आहेत, परंतु अद्याप त्याबद्दल काहीही ठोस नाही. अद्याप काहीही काम सुरु झालेलं नाही. सध्या फक्त चर्चा सुरू आहे.