बॉलीवुडमधील प्रसिद्ध अभिनेत्री आलिया भट्टचा (Alia Bhatt) गाजलेला ' गंगुबाई काठियावाडी' (Gangubai Kathiawadi) 26 एप्रिल रोजी ओटीटीवर प्रदर्शित होणार आहे. या चित्रपटामध्ये आलियाने मुख्य भूमिका साकारली असून संजय लीला भन्सारी यांनी दिग्दर्शित केलेला आहे. हा चित्रपट 25 फेब्रुवारीला सिनेमागृहात प्रदर्शित झाला. या चित्रपट बॉक्स ऑफिसवर जबरदस्त कमाई केली. तसेच भारतासह जगभरातील प्रेक्षकांकडून चांगला प्रतिसाद मिळालाआहे. ' गंगुबाई काठियावाडीने बॉक्स ऑफिसवर 100 कोटी रुपयांचा टप्पा ओलांडला आहे. (Gangubai Kathiawadi Updates News)

हा चित्रपट (Movie) नेटफ्लिक्सवर प्रसारित करण्याची चर्चा सोशल मिडियावर अनेक दिवसांपासून सुरू होती. आता हा चित्रपट 26 एप्रिलला नेटफ्लिक्सवर प्रेक्षकांच्या भेटीला येणार आहे.नेटफ्लिक्सने व्हिडिओ शेअर करत ही माहिती दीली आहे.

गंगूबाई (Gangubai) व्यक्तिरेखा प्रसिद्ध लेखक हुसेन जैदी यांच्या 'माफिया क्वीन्स ऑफ मुंबई' या पुस्तकातील एका प्रकरणावरून प्रेरित आहे. 1960 च्या दशकात कामाठीपुरातील सर्वात शक्तिशाली व्यक्तिमत्त्वांपैकी एक, गंगूबाई खूप लोकप्रिय आणि आदरणीय होत्या.