बॉलिवूडमधील प्रसिद्ध अभिनेत्री आलिया भट्ट आणि अभिनेता रणबीर कपूर यांचा लग्नसोहळा पाली हिल्स येथील 'वास्तू' या घरामध्ये पार पडला. लग्नसोहळा पार पडल्यानंतर आलियाने इन्स्टाग्राम (Instagram) अकाऊंटवर सुंदर फोटो शेअर केले आहेत. या फोटोमधील आलिया आणि रणबीरच्या सुंदर लूकने अनेकांचे लक्ष वेधलं आहे. सध्या आलियाच्या मंगळसूत्राची चर्चा सोशल मीडियावर जोरदार सुरू आहे. आलियाच्या मंगळसूत्राची डिझाइन खूप खास आहे. चला तर मग जाणून घेऊया आलियाचे मंगळसूत्र का खास आहे.

आलियाचं (Alia Bhatt) मंगळसूत्र हे सोन्याच्या चैन पासून तयार केलेले आहे. तसेच टीयर ड्रॉप शेपमधील डायमंड आणि काळे मोती देखील मंगळसूत्रामध्ये आहेत. मंगळसूत्राचे पेंडंट इनफिनिटी डिझाइने तयार करण्यात आले असून त्याचा आकार आठ नंबरसारखा आहे. आठ नंबर हा रणबीरचा (Ranbir Kapoor) लकी नंबर आहे. त्यामुळे आलियाचं मंगळसूत्र खास असण्याचे हे एक कारण आहे. आलियाच्या या हटके मंगळसूत्राने सर्वांचे लक्ष वेधले आहे.

* नीतू कपूर म्हणाल्या...

रणबीर आलियाच्या लग्नाचे सर्व विधी आटोपल्यानंतर नीतू कपूर (Neetu Kapoor) आणि मुलगी रिद्धिमा आणि जावई भरत साहनीसोबत मीडियासमोर आल्या. त्यांनी पापाराझींचे मनापासून आभार मानले. तसेच आलिया-रणबीरवर प्रेमाचा वर्षाव केल्याबद्दल आनंद व्यक्त केला. याशिवाय त्यांना रिसेप्शनबाबत विचारण्यात आले तेव्हा, नीतू कपूर यांनी रिसेप्शन होणार नसल्याचे स्पष्ट सांगितले आणि म्हणाल्या सगळं झालं आता तुम्ही आरामात घरी जा आणि झोपा.