बॉलिवूड अभिनेत्री ऐश्वर्या राय बच्चन (Aishwarya Rai Bachchan) सोमवारी अंमलबजावणी संचालनालयाच्या दिल्ली कार्यालयात हजर झाली. ऐश्वर्या दुपारी दीड वाजता ईडीच्या कार्यालयात पोहोचली असून तिची चौकशी सुरु आहे. परदेशात संपत्ती जमा केल्याच्या आरोपावरुन तपास एजन्सीने दिल्लीतील 48 वर्षीय अभिनेत्रीचे जबाब नोंदवल्याचे सूत्रांनी सांगितले. मेगास्टार अमिताभ बच्चन (Amitabh Bachchan) यांची सून आणि अभिषेक बच्चनची (Abhishek Bachchan) पत्नी ऐश्वर्या यांना काही वेळापूर्वी समन्स बजावण्यात आले होते परंतु त्यांनी हजर राहण्यासाठी वेळ मागितला होता.

हे प्रकरण वॉशिंग्टनस्थित इंटरनॅशनल कन्सोर्टियम ऑफ इन्व्हेस्टिगेटिव्ह जर्नलिस्ट्स (ICIJ) ने पनामा पेपर्स म्हणून ओळखल्या जाणार्‍या पनामाच्या लॉ फर्म मॉसॅक फोन्सेकाच्या रेकॉर्डमध्ये 2016 च्या तपासाशी संबंधित आहे. यामध्ये अनेक जागतिक नेत्यांची आणि सेलिब्रिटींची नावे समोर आली ज्यांनी देशाबाहेरील कंपन्यांमध्ये परदेशात पैसा जमा केला होता. यापैकी काहींची वैध विदेशी खाती असल्याचे सांगितले जाते. या खुलाशात करचुकवेगिरीची प्रकरणे समोर आली आहेत.