Sara Ali Khan Dates Shubhman: बॉलीवूड अभिनेत्री सारा अली खान अलीकडच्या काळात क्रिकेटपटू शुभमन गिल (Shubhman Gill) सोबतच्या जवळीकीमुळे चर्चेत आहे. या दोघांना काही दिवसांपुर्वीच मुंबईतील एखा रेस्टॉरंटमध्ये डिनर करताना स्पॉट केले गेले होते. त्यानंतर नुकतेच समोर आलेल्या काही व्हिडिओंमध्ये हे कपल पुन्हा एकत्र दिसत आहे. सारा आणि शुभमन मुंबईनंतर आता दिल्लीतही डिनर डेटवर भेटले आहेत.

एव्हढेच नाही तर दिल्लीहून मुंबईला जाणाऱ्या विमानात हे दोघे सोबतच होते. ही बाब समोर येताच बी टाऊनसह क्रिकेट वर्तुळात चर्चेला उधाण आले आहे. या चर्चेमध्ये दोघांच्या रिलेशनशिपवरच बोलले जात आहे.

जे व्हिडिओ सध्या समोर आले आहेत, त्यात गुलाबी रंगाच्या ड्रेसमधील सारा ही चाहत्यांसोबत काही सेल्फी घेताना दिसत आहे. तर साराच्या शेजारील सीटवर शुभमन बसलेला दिसतो. त्यावर नेटकऱ्यांच्या खूप प्रतिक्रिया आल्या आहेत.

दोघांनीही या रिलेशनशिपबाबत खुलासा केलेला नाही. शुभमनपुर्वी सारा अभिनेता कार्तिक आर्यनला डेट करत होती. तर शुभमनचे नाव यापुर्वी क्रिकेटपटू मास्टर ब्लास्टर सचिन तेंडुलकरची कन्या सारा तेंडुलकरशी जोडले गेले होते.

साराच्या वर्कफ्रंटबाबत बोलायचे तर आगामी एका नाव न ठरलेल्या चित्रपटात ती अभिनेता विकी कौशलसोबत दिसणार आहे. या चित्रपटाचे दिग्दर्शन लक्ष्मण उतेकर करत आहे. याशिवाय विक्रांत मेसी सोबत ती 'गॅसलाईट' या चित्रपटात दिसणार आहे. तर करन जोहरची निर्मिती असलेल्या 'काँग्रेस रेडियो' या उषा मेहतांच्या बायोपिकमध्येही सारा मुख्य भूमिकेत दिसणार आहे. शुभमन बाबत बोलायचे तर तो सध्या त्याची सुट्टी एंजॉय करत आहे.

दरम्यान, साराची आजी ज्येष्ठ अभिनेत्री शर्मिला टागोर यांनी तत्कालीन भारतीय संघाचे कर्णधार मन्सुर अली खान पतौडी यांच्याशी विवाह केला होता.