अभिनेत्री स्वरा भास्कर तिने केलेल्या आंतरधर्मीय विवाहामुळे बरीच ट्रोल झाली होती. तिने समाजवादी पक्षाचे नेते फहाद अहमद यांच्याशी लग्न केले. तिच्या लग्नानंतरच्या काहीच काळात तिच्या प्रेग्नंसीच्या बातम्यांनी सोशल मिडीयावर मोठाच गोंधळ निर्माण झाला होता. स्वराने आता स्वत:च ही बातमी खरी असल्याचं फोटो शेअर करत सांगितलं आहे.

स्वराने नुकताच शेअर केला फोटो

स्वरा भास्कर लवकरच आई होणार आहे. ती सात महिन्यांची गरोदर आहे. अशा परिस्थितीत स्वराच्या घरी बाळाच्या स्वागताची तयारी सुरू केली आहे. स्वराने बाळासाठी पाळणा सजवला आहे,. स्वराने इंस्टाग्रामवर सजवलेल्या पाळण्याचा स्वत:सोबत एक क्यूट फोटोही शेअर केला आहे.

पाळणा सजवला पण त्यात कुणीतरी दुसरंच झोपलं...

बॉलिवूड अभिनेत्री स्वरा भास्कर सध्या तिच्या आयुष्यातील सर्वात सुंदर क्षणांचा आनंद घेत आहे. ती सात महिन्यांची गरोदर आहे. काही दिवसांनी स्वराचे घर बाळाच्या रडण्याचा आवाजाने घुमणार आहे. 

प्रसूतीची तारीख जवळ आल्याने त्यांनी तयारीही सुरू केली आहे. अभिनेत्रीने सोशल मीडियावर तिचा बेबी बंप दाखवणारा एक नवीन फोटो शेअर केला आणि सांगितले की तिने होणा-या बाळासाठी घरकुल सजवले होते, पण ते कोणीतरी ताब्यात घेतले होते.

स्वराने पतीला टॅग केले

स्वरा भास्करने समाजवादी पार्टीचे युवा नेते फहाद अहमद यांच्याशी स्पेशल मॅरेज अॅक्ट अंतर्गत लग्न केले आणि ६ जून रोजी गरोदरपणाची घोषणा केली. नवीन फोटो शेअर करताना तिने सांगितले की, बाळासाठी खोलीत घरकुल बनवण्यात आले होते. 

बाळाच्या स्वागताची तयारी सुरू झाली आहे. पुढील फोटोमध्ये, स्वराने फोटो शेअर करत दाखवले की तिच्या पाळीव मांजरीने पाळण्यावर कसा ताबा मिळवला आहे आणि ते मांजर पाळणा सोडून कुठेही जात नाही. स्वराने पती फहादला टॅग करत त्याने लिहिले, 'तुझे पहिले मूल.'

स्वराचे चित्रपट

स्वरा भास्कर 'रांझना', 'निल बट्टे सन्नाटा' आणि 'तनु वेड्स मनू' सारख्या चित्रपटांसाठी ओळखली जाते. ती बॉलीवूडमधील दमदार अभिनेत्रींपैकी एक आहे. चित्रपटांपेक्षाही ती वैयक्तिक आयुष्यामुळे चर्चेत असते.