बॉलिवूड अभिनेता आमिर खान (Aamir Khan) सध्या लडाखमध्ये (Ladakh) आपल्या आगामी चित्रपटाची शूटिंग करत आहे. आमिर खान आपल्या संपूर्ण टीमसह लडाखमध्ये पोहोचला आहे, तिथे त्याची पूर्व पत्नी किरण रावदेखील (Kiran Rao) त्यांच्यासमवेत तेथे आहे. अभिनेत्याच्या चित्रपटाच्या टीमवर लडाखमध्ये प्रदूषण (Pollution) पसरवल्याचा आरोप करण्यात आला आहे. 'लालसिंग चड्ढा' (Laal Singh Chaddha) ची टीम या चित्रपटाच्या शेवटच्या वेळापत्रकात शुटिंग करत आहे. अशा परिस्थितीत लडाखचे काही खास व्हिडिओ व्हायरल झाले आहेत, ज्यात चित्रपटाची टीम कचरा पसरवताना दिसली आहे.(Aamir Khan and Lal Singh Chaddha team accused of spreading pollution)

ट्विटरवर लडाखच्या वाखा गावाजवळचा एक व्हिडिओ समोर आला असून या व्हिडिओमध्ये यूझर्सने आम्हाला दाखवून दिले आहे की चित्रपटाची टीम या सेटच्या सभोवताल कचऱ्याचे ढीग तयार करीत आहे. जेथे कचर्‍याच्या वस्तू व प्लास्टिकच्या अनेक बाटल्या ठिकठिकाणी फेकल्या गेल्या आहेत. हा व्हिडिओ पाहून हे स्पष्ट झाले आहे की चित्रपटाची टीम येथे प्रदूषण पसरविण्यासाठी जोरात काम करत आहे. हा व्हिडिओ यूझर्सने पोस्ट करत कॅप्शनमध्ये लिहिले की, "आमिर खानच्या आगामी चित्रपटाच्या टीमने वाखा येथे राहणाऱ्या गावकऱ्यांना दिलेली ही विशेष भेट आहे."

पुढे त्याने आपल्या कॅप्शनमध्ये लिहिले आहे की, "स्वत: आमिर खान सत्यमेव जयतेमधील वातावरण स्वच्छ करण्याविषयी मोठी चर्चा करतो, पण जेव्हा ते स्वतःवर येते तेव्हा तेच पाहायला मिळते." आमिर खानची टीम 45 दिवसांच्या लांबीच्या वेळापत्रकात आली आहे.यामुळे हे सर्व पाहून येथील ग्रामस्थ निराश झाले आहेत. अभिनेत्याबद्दलचा हा व्हिडिओ सोशल मीडियावर मोठ्या प्रमाणात व्हायरल होत आहे. जेथे बरेच युझर्स देखील याविरोधात कारवाई करण्याची मागणी करत आहेत.

नुकतेच प्रसिद्ध तेलुगु अभिनेता नागा चैतन्य (Naga Chaitanya) शूटिंगसाठी या चित्रपटाच्या टीममध्ये दाखल झाला आहे. या चित्रपटात अभिनेता आमिर खानसोबत दिसणार आहे. नागा चैतन्य या चित्रपटाद्वारे बॉलिवूडमध्ये पदार्पण करणार आहे. ज्यामुळे प्रेक्षकही या नव्या एन्ट्रीबद्दल खूप उत्सुक आहेत. आमिर खानबरोबर या सिनेमात करीना कपूर खानला देखील पाहणार आहोत, ज्यांनी या चित्रपटाचे शूटिंग आधीच पूर्ण केले आहे. आमिर खान आता हा चित्रपट रिलीज केव्हा करतो ते पहावे लागेल. अद्वैत चंदन या चित्रपटाचे दिग्दर्शन करीत आहेत. ज्यामुळे आमिर खानच्या संपूर्ण टीमला या चित्रपटाकडून मोठ्या आशा आहेत.