Ronaldo Salman khan viral Video : आपल्या नेत्रदीपक खेळीने जगाला वेड लावणाऱ्या फूटबॉलपटू रोनाल्डोला कुठल्याही वेगळ्या परिचयाची गरज नाही. आपल्या अप्रतिम कौशल्याने रोनाल्डोने जगभरातून प्रेम आणि आपुलकी मिळवली आहे. सध्या रोनाल्डो एका व्हिडीओमुळे सोशल मिडीयावर चर्चेत आहे. या व्हायरल व्हिडीओमध्ये रोनाल्डो चक्क बॉलीवूडचा भाईजान सलमान खानला इग्नोर करताना दिसत आहे.
सलमान खान हे अभिनयाच्या जगात मोठे नाव आहे तर क्रिस्टियानो रोनाल्डोची गणना जगातील सर्वोत्तम फुटबॉलपटूंमध्ये केली जाते. जेव्हा या दोन महान व्यक्तिमत्त्वांना एकाच छताखाली दिसले तेव्हा त्यांचे फोटो आणि व्हिडिओ व्हायरल होऊ लागले.
नुकताच एक व्हिडिओ समोर आला आहे, ज्याला पाहून काही लोक म्हणाले की, रोनाल्डोने सलमानकडे त्याच प्रकारे दुर्लक्ष केले आहे जसे सलमानने एका कार्यक्रमात विकी कौशलकडे दुर्लक्ष केले होते. पण आम्ही तुम्हाला सांगतो की असे काहीही नाही.
सलमान आणि रोनाल्डोचा एक फोटो व्हायरल होत आहे, ज्यामध्ये दोघे एकमेकांशी हसताना आणि बोलताना दिसत आहेत.
सलमान खान सौदी अरेबियाची राजधानी रियाधमध्ये होता, जिथे तो एका फुटबॉल इव्हेंटमध्ये गेला होता. फुटबॉल जगताचा सम्राट ख्रिस्तियानो रोनाल्डोही येथे होता. दोघांना एकत्र पाहून चाहत्यांनी आनंदाने उड्या मारल्या.
क्रिस्टियानो रोनाल्डोने सलमान खानकडे दुर्लक्ष केल्याचा हा व्हिडिओ आधी व्हायरल झाला होता. हे पाहून यूजर्सनी सलमानच्या फॅन्सची खिल्ली उडवायला सुरुवात केली. त्यांना त्या प्रसंगाची आठवण येऊ लागली जेव्हा सलमानने विक्कीकडे अशाच एका कार्यक्रमात दुर्लक्ष केले होते.
त्यानंतर लगेचच आणखी एक फोटो समोर आला, ज्याने हे वापरकर्ते अवाक झाले. यामध्ये सलमान आणि रोनाल्डो एकमेकांशी बोलताना दिसत आहेत. आता हा फोटोही इंटरनेटवर व्हायरल होत आहे.