आज देशभरात स्वातंत्र्य दिनाचा 75 वा वर्धापन दिन साजरा केला जात आहे. देशाच्या कानाकोपऱ्यातच नाही तर प्रत्येक घरावर तिरंगा फडकवत आहे. या स्वातंत्र्याचा जल्लोष बॉलिवूडमध्येही पाहायला मिळत आहे. शाहरुख खान, सलमान खानपासून ते अजय देवगणपर्यंत प्रत्येकजण आपापल्या खास पद्धतीने चाहत्यांना स्वातंत्र्यदिनाच्या शुभेच्छा देताना दिसत आहे.

देशातील प्रत्येक घराघरात तिरंगा (Har Ghar Tiranga) मोहीम राबवली जात आहे. ज्यामध्ये केवळ सामान्य लोकच नाही तर बॉलीवूड (Bollywood) सेलिब्रिटी देखील मोठ्या उत्साहाने सहभागी होताना दिसत आहेत. बॉलीवूड (Bollywood) अभिनेता शाहरुख खानने स्वातंत्र्य दिनानिमित्त पत्नी गौरी खान, मुलगा आर्यन आणि अबराम यांच्यासह 'मन्नत'वर तिरंगा फडकावला.

अजय देवगणने स्वातंत्र्य दिनानिमित्त एक खास व्हिडिओ शेअर केला आहे.यामध्ये संपूर्ण क्रू मेंबरला स्वातंत्र्य दिनाच्या शुभेच्छा दिल्या आहेत.

दबंग स्टार सलमान खान यापूर्वीच Galaxy Apartments मध्ये तिरंगा लावून पंतप्रधान मोदींच्या घरोघरी तिरंगा मोहिमेत सामील झाला आहे. स्वातंत्र्यदिनानिमित्त सलमान खानने तिरंगा फडकावत एक फोटो इन्स्टाग्रामवर पोस्ट केला असून सर्वांना स्वातंत्र्यदिनाच्या शुभेच्छाही दिल्या आहेत.

मलाइका अरोराने देखिल फोटो शेअर करत शुभेच्छा दिल्या आहेत.

अभिषेक बच्चनेही झेंडा फडकवतानाचा फोटो शेअर करून चाहत्यांना स्वातंत्र्यदिनाच्या शुभेच्छा दिल्या आहेत.

बॉलीवूड अभिनेत्री उर्वशी रौतेला हिने तिरंगा फडकवत देशवासियांना स्वातंत्र्य दिनाच्या खास शुभेच्छा दिल्या आहेत.

स्वातंत्र्यदिनाच्या या खास प्रसंगी ईशा गुप्ताने स्वातंत्र्याच्या रंगात दिसली आणि हातात तिरंगा उंचावून देशवासियांना शुभेच्छा दिल्या

अनुष्का शर्माने विराटसह फोटो शेअर करत चाहत्यांना शुभेच्छा दिल्या आहे.