ZP School: सरकारी शाळांचा दर्जा खालावल्याचे कारण सांगत पालकाचा कल खाजगी शाळांकडे वळताना दिसत आहे. त्यामुळे सरकारी शाळांमधली विद्यार्थ्यांची संख्या कमी होताना दिसत आहे. मात्र अशी एक शाळा आहे जी केवळ एकाच विद्यार्थ्यासाठी भरते.

विशेष म्हणजे या विद्यार्थ्याला सरकारच्या सर्व सुविधाही मिळतात. महाराष्ट्रात( Maharashtra )ल्या वाशिम( Washim) जिल्ह्यातील गणेशपुरमध्ये ही शाळा आहे.या गावची लोकसंख्या 150 असून जिल्हा परिषदेच्या या शाळेत केवळ एकाच विद्यार्थ्यानं अॅडमिशन घेतलेले आहे. गेल्या दोन वर्षांपासून एकाच विद्यार्थ्यासाठी एक शिक्षकही या शाळेत असल्याची माहिती समोर आली आहे.

इतर सर्व शाळांप्रमाणे इथे रोज राष्ट्रगीत होते.सरकारची मिड-डे मिल अर्थात मध्यान्ह भोजन योजना याठिकाणी राबवली जाते. विशेष म्हणजे, या शाळेत एकच शिक्षक आहेत. या शिक्षकाचं नाव किशोर मानकर असं असून ते या विद्यार्थ्याला सर्व विषय शिकवतात. या विद्यार्थ्याला सरकारच्या सर्व सुविधा मिळतात ज्यामध्ये मिड-डे मिल अर्थात मध्यान्ह भोजनाचाही समावेश आहे

दरम्यान, सकाळी 10.30 ते 12.00 वाजेपर्यंत ही शाळा भरते. या शाळेत सर्व नियमांच पालन केलं जातं. यामध्ये शाळेची सुरुवात राष्ट्रगीतानं होते, त्याचबरोबर विद्यार्थ्यांसाठी सरकारच्या सर्व सुविधाही दिल्या जात आहेत. या विद्यार्थ्याला मी स्वतः सर्व विषय शिकवतो, असं शिक्षण किशोर मानकर यांनी सांगितलं आहे.