Mumbai Local Fight Viral Video: मुंबईतील लोकल ट्रेनच्या लेडीज कोचमध्ये तीन महिलांमध्ये झालेल्या भांडणाचा व्हिडिओ सोशल मीडियावर मोठ्या प्रमाणात व्हायरल होत आहे. रोड्स ऑफ मुंबई पेजने 31 सेकंदांचा हा व्हिडिओ ट्विटरवर पोस्ट केला आहे. हा व्हिडिओ 5 लाखांहून अधिक लोकांनी पाहिला असून 840 हून अधिक लोकांनी तो रिट्विट केला आहे.

भयंकर भांडण

व्हायरल झालेल्या व्हिडिओमध्ये प्रवाशांनी भरलेल्या बोगीमध्ये तीन महिला भांडताना आणि एकमेकांचे केस ओढताना दिसत आहेत. व्हिडिओमध्ये दिसत आहे की, एक मुलगी रागावून एका महिलेशी गैरवर्तन करते. त्यानंतर तिला मारायला लागते. यादरम्यान तिसरी महिला मुलीला मारहाण करण्यास सुरुवात करते.

व्हिडिओ व्हायरल होत आहे

ट्रेनमधील (Train) इतर महिला प्रवासी भांडण सोडवण्यासाठी येतात, पण त्यांचं भांडण थांबत नाही. एक महिला प्रवाशी 'चला आंटी!' असे म्हणताना ऐकू येते... भांडणाच्या वेळी, इतर महिला स्वतःचा बचाव करण्यासाठी त्यांच्या जागेवरुन उठतात. त्याचवेळी काही प्रवासी त्यांच्या भांडणाचा व्हिडिओ रेकॉर्ड करण्यास सुरुवात करतात. काही वेळानंतर त्यांचे भांडण थांबते.

रेल्वेकडून कारवाईची मागणी

सोशल मीडिया (Social Media) यूजर्संनी या घटनेचा तीव्र निषेध केला आहे. एका व्यक्तीने लिहिले की, हे सुसंस्कृत समाजात शोभत नाही. यावर रेल्वे प्रशासनाने कठोर कारवाई करण्याची मागणी अनेकांनी केली आहे. काही दिवसांपूर्वी असचा महिलांच्या (Women) भांडणाचा असाच एक व्हिडिओ व्हायरल झाला होता. आता व्हायरल होत असलेल्या व्हिडिओमध्ये महिला एकमेकांना मारहाण करताना आणि केस ओढताना दिसत आहेत.