शिवराज राक्षे याने 2023 महाराष्ट्र केसरीचा किताब जिंकला. राक्षे याने महेंद्र गायकवाड याचा पराभव केला आहे. (Shivraj Rakshe Won Maharashtra Kesari 2023)

मॅट विभागातून शिवराज राक्षे (Shivraj Rakshe) याने अंतिम सामन्यात महेंद्र गायकवाड (Mahendra Gaikwad) याला चितपट करत विजय मिळवला. पुण्यातील मामासाहेब मोहोळ क्रीडानगरीत 65 वी महाराष्ट्र केसरी कुस्ती स्पर्धा पार पडली.

महाराष्ट्र केसरीच्या माती आणि गादी विभागातील स्पर्धेत शिवराज आणि महेंद्र यांनी विजय मिळवत अंतिम फेरी गाठली.

माती विभागातील अंतिम लढत सिकंदर शेख आणि महेंद्र गायकवाड यांच्यात झाली. यात 6-4 अशा फरकाने महेंद्रने सिंकदरला मात देत फायनलमध्ये धडक दिली.

तर, मॅट विभागात शिवराज राक्षे आणि हर्षवर्धन सदगीर यांच्यात पार पडली. या लढतीत शिवराजने 8-1 अशा मोठ्या फरकाने सामना जिंकत फायनल गाठली.

दरम्यान, शिवराज राक्षे आणि महेंद्र गायकवाड दोघेही पुण्याच्या तालमीतच तयार झाले असून, वस्ताद काका पवार आणि गोविंद पवार यांच्या कात्रज येथील आंतरराष्ट्रीय क्रीडा संकुल तालमीत दोघांनी कुस्तीचे धडे गिरवले आहेत.