Vinayak Mete Death: शिवसंग्राम पक्षाचे नेते आणि माजी आमदार विनायक मेटे (Vinayak Mete) यांच्या गाडीला आज पहाटे अपघात झाला. या अपघातात मेटे गंभीर जखमी झाले होते आणि त्यांचं आज अपघाती निधन झालं. या अपघातानंतर त्यांना उपचारासाठी मुंबईतील एमजीएम रूग्णालयात दाखल करण्यात आले होते. मात्र उपचारादरम्यान अपयश आले आणि त्यांनी रूग्णालयातच अखेरचा श्वास घेतला. मुंबई पुणे द्रुतगती मार्गावरील माडप बोगद्यात हा अपघात झाला होता.

आज पहाटे मेटे यांच्या गाडीला अपघात झाला. तब्बल एक तास त्यांनी मदतीसीठी प्रयत्न केला मात्र त्यांच्यापर्यंत मदत पोहचली नाही. आणि त्यानंतर कार चालकाच्या मदतीने त्यांना रूग्णालयात दाखल करण्यात आले आणि तेथे डॉक्टरांनी मेटे यांना मृत घोषीत केलं.

मिळालेल्या माहितीनुसार, पनवेलजवळील माडप बोगद्यामध्ये हा अपघात झाला. माजी आमदार त्यांच्या एसयूव्ही कारमधून जात होते. यादरम्यान अपघात झाला, त्यांना गंभीर अवस्थेत रुग्णालयात दाखल करण्यात आले होते.

माजी आमदार बीडहून मुंबईला जात होते. मात्र पहाटे साडेपाचच्या सुमारास त्यांच्या गाडीला अपघात झाला. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हेही हॉस्पिटलला रवाना झाल्याचं सांगण्यात येत आहे. विनायक मेटे यांचे गोपीनाथ मुंडे यांच्याशी अतिशय जवळचे संबंध होते. 2014 च्या विधानसभा निवडणुकीत त्यांनी भाजपशी हातमिळवणी केली. यापूर्वी ते राष्ट्रवादीचे समर्थक होते. मेटे हे मराठा समाजासाठी काम करण्यासाठी ओळखले जात होते, त्यांच्या निधनाने या समाजाला मोठा धक्का बसल्याचे बोलले जात आहे.