मुंबई: मशिदींवर लावलेल्या लाऊडस्पीकरवरुन महाराष्ट्रातील राजकीय वातावरण तापले आहे. '3 मे पर्यंत लाऊडस्पीकर हटवा अन्यथा 'मनसे स्टाइल' आंदोलनाला तयार राहा', असा ईशारा देत महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांनी ठाकरे सरकारला कोंडीत पकडण्याचा प्रयत्न केला आहे. (Shiv Sena MP Sanjay Raut slams MNS over loudspeaker issue)

या वादात आता शिवसेना खासदार संजय राऊत (Sanjay Raut) यांनी 'एंट्री' केली आहे. 'मनसे'वर बोचरी टीका करत राऊत म्हणाले, 'आम्हाला लाऊडस्पीकरबाबत कुणीही अक्कल शिकवू नये. बाळासाहेबांनी मुस्लिम समाजाचे प्रश्न चर्चेने सोडवले होते. त्यांनी मौलवींची बैठक घेऊन त्यांची अडचण जाणून घेतली होती. मौलवींच्या म्हणण्याप्रमाणे त्यांच्या मशिदींमध्ये पुरेशी जागा नसल्याने ते रस्त्यावर नमाज अदा करत होते. यावर तोडगा म्हणून बाळासाहेबांनी त्यांना मशिदींचा अफएसआय वाढवून दिला', असे राऊत म्हणाले.

संजय राऊत पुढे म्हणाले, 'मी केंद्र सरकारला निवेदन करतो की त्यांनी लाऊडस्पीकरबाबत देखील राष्ट्रीय धोरण आखले पाहिजे. असे केल्यास लाऊडस्पीकरचा प्रश्न पूर्णपणे सुटेल.'