Online Fraud Dainik Gomantak
महाराष्ट्र

Online Fraud : फेसबुक फ्रेंडने दिला धोका! महाराष्ट्रातील महिलेची 22 लाखांची फसवणूक

ठाणे शहरातील एका 36 वर्षीय महिलेची फेसबुकवर भेटलेल्या एका व्यक्तीने 22.67 लाख रुपयांची फसवणूक केली आहे.

दैनिक गोमन्तक

ठाणे शहरातील एका 36 वर्षीय महिलेची फेसबुकवर भेटलेल्या एका व्यक्तीने 22.67 लाख रुपयांची फसवणूक केल्याची माहिती पोलिसांनी शुक्रवारी दिली. याप्रकरणी गुरुवारी गुन्हा दाखल करण्यात आला, अशी माहिती एका अधिकाऱ्याने दिली. (Online Fraud With Women)

ऑनलाइन एक्झिक्युटिव्ह म्हणून काम करणाऱ्या महिलेला फेब्रुवारी 2022 मध्ये एका पुरुषाकडून फ्रेंडशिप रिक्वेस्ट आली, असे तिने पोलिसांना सांगितले. त्यांनी नियमितपणे ऑनलाइन चॅटिंग सुरू केल्यानंतर, त्या व्यक्तीने तिला सांगितले की त्याला त्याच्या आईच्या उपचारासाठी तातडीने पैशांची गरज आहे. महिलेने त्याला पैसे पाठवले.

असे अनेक वेळा घडले, असे महिलेने सांगितले. तिने कथितरित्या त्याला ₹ 7,25,000 दिले आणि ₹ 15,42,688 किमतीचे दागिनेही दिले. जेव्हा तिने त्याला पैसे परत देण्यास सांगितले तेव्हा तो तिला टाळू लागला, त्यानंतर महिलेने पोलिसांकडे धाव घेतली.

वर्तक नगर पोलिस ठाण्यात भारतीय दंड संहिता कलम 406 (गुन्हेगारी भंग) नुसार गुन्हा दाखल करण्यात आला असून पुढील तपास सुरू आहे. अद्याप कोणालाही अटक करण्यात आलेली नाही.

दरम्यान, गोव्यातही असाच प्रकार घडला. एका डॉक्टराला 2 लाख 85 हजारांचा ऑनलाइन गंडा घालण्यात आल्याचा प्रकार उघडकीस आला आहे. पर्वरी हाऊसिंग बोर्ड येथील डॉक्टरसोबत हा फसवणुकीचा प्रकार घडला आहे. अकांऊट मधून पैसे गायब होताच डॉक्टरांना हा प्रकार लक्षात आला. याबाबतची तक्रार शुक्रवारी रात्री पर्वरी पोलीस स्टेशन मध्ये नोंदविण्यात आली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shadashtak Yog 2026: सूर्य-चंद्राचा अशुभ योग! 'या' 3 राशींच्या नोकरी-व्यवसायात वाढणार अडचणी; आर्थिक नियोजन कोलमडणार?

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

SCROLL FOR NEXT