महाराष्ट्रात ओमिक्रॉन आणि कोरोनाचा संसर्ग पुन्हा एकदा झपाट्याने वाढत आहे. रविवारी महाराष्ट्रात ओमिक्रॉनचे 31 नवीन रुग्ण आढळले आहेत. अशा प्रकारे, महाराष्ट्रातील ओमिक्रॉन प्रकरणांची एकूण संख्या आता 141 वर पोहोचली आहे. ओमिक्रॉनप्रमाणेच महाराष्ट्रातही कोरोना संसर्गामध्ये अचानक वाढ दिसून येत आहे. रविवारी महाराष्ट्रात 1648 नवीन रुग्ण आढळले आहेत. तर 17 जणांचा मृत्यू झाला आहे. 918 लोक कोरोना बरे झाले आहेत. सध्या राज्यात 9813 सक्रिय कोरोना रुग्ण आहेत.

मुंबईत एका दिवसात 27 ओमिक्रॉन आणि 922 कोरोना रुग्ण आढळले

महाराष्ट्रात (Maharashtra) नोंदलेल्या 31 ओमिक्रॉन (Omicron Variant) प्रकरणांपैकी 27 प्रकरणे एकट्या मुंबईत नोंदवली गेली आहेत. याशिवाय ठाण्यातून 2, पुणे ग्रामीण भागात 1 आणि अकोल्यात 1 रुग्ण आढळून आला आहे. दरम्यान, ओमिक्रॉन मधून आतापर्यंत 61 लोक बरे झाले आहेत. त्याचप्रमाणे मुंबईतही (Mumbai) कोरोनाचे (Corona) रुग्ण अचानक वाढले आहेत. बीएमसीने दिलेल्या माहितीनुसार, रविवारी संध्याकाळी 6 वाजेपर्यंत एका दिवसात ९२२ कोरोना रुग्ण आढळले आहेत. ही संख्या शनिवारच्या तुलनेत 165 अधिक आहे. 326 जणांना कोरोनामधून बरे होऊन डिस्चार्ज देण्यात आला आहे. मुंबईत सध्या 4295 सक्रिय रुग्ण आहेत. गेल्या 13 दिवसांपासून मुंबईत कोरोनाचा संसर्ग झपाट्याने वाढत आहे.

मुंबईत ओमिक्रॉन आणि कोरोनाचा संसर्ग झपाट्याने वाढत आहे

रविवारी, महाराष्ट्रात 31 ओमिक्रॉन प्रकरणे नोंदवली गेली, त्यापैकी एकट्या मुंबईत 27 प्रकरणे आहेत. ही चिंतेची बाब आहे. मुंबईत ओमिक्रॉन आणि कोरोनाचा संसर्ग झपाट्याने वाढू लागला आहे. कोरोनाबद्दल बोलायचे झाले तर 14 डिसेंबर रोजी 225 कोरोना रुग्ण आढळले होते. 19 डिसेंबर रोजी ही संख्या 336 वर पोहोचली होती. 23 डिसेंबर रोजी सक्रिय कोरोना बाधितांची संख्या 600 वर पोहोचली होती. 26 डिसेंबरपर्यंत हा आकडा 922 वर पोहोचला.