महापालिका आणि जिल्हा बॅंक निवडणुक (Election) यामुळे सत्ताधारी आणि विरोधी पक्षातील नेते सोशल मिडियावर टिप्पणी किट असतात. काही ना काही घटना आणि वक्तव्यांवरून एकमेकां बद्दल टोलेबाजी सुरु असते.

वाढती महागाई, दररोज होणारी इंधन दरवाढ, विविध प्रकल्पाचा निधी यावरून भाजपा (BJP) कडून मुख्यमंत्री ठाकरे आणि महाविकास आघाडी सरकारवर टीकाकेली आहे. भाजपाचे आमदार नितेश राणे (Nitesh Rane) यांनी ट्वीटद्वारे एका कार्टूनच्या माध्यमातून टीका केली आहे.

नितेश राणेंनी एक कार्टून प्रदर्शित केले आहे. यामध्ये मुख्यमंत्र्यांचे (CM) घर, कामगारांना देण्यात आलेला बोनस आणि वाढती महागाई यांच्यातील तफावत दाखवली आहे. शिवाय विविध प्रकल्पांसाठी मंजूर झालेला निधी याचेही चित्र दिसत आहे.

तसेच 'वसूलीबाजीतून सरकारने स्वतःची तिजोरी आणि जनतेच्या पदरात दरिद्री दिली' असा हल्लबोल राणेंनी ठाकरे सरकारवर (Thackeray government) केला. यामध्ये स्वत:ची तिजोरी फुल, आणि जनतेची दिशाभूल असेही त्यांनी म्हटले आहे.