Mumbai Railway Police Twitter Account Hacked: मुंबई रेल्वे पोलिसांचे ट्विटर अकाउंट अचानक कोणीतरी हॅक केले. अशी माहिती रेल्वे पोलीस आयुक्तांनी दिली आहे. या ट्विटर हँडलवरून जे काही नवीन ट्विट केले जातील त्यावर विश्वास ठेवू नका, असे त्यांनी मुंबईत राहणाऱ्या लोकांना सांगितले आहे. याबाबत अधिक माहिती दिली जाईल, त्यानंतरच रेल्वे पोलिसांच्या ट्विटकडे (Twitter) लक्ष द्या. या प्रकरणी एजन्सी तपासात गुंतल्या असून, खाते लवकरात लवकर पूर्ववत केले जाईल, असे आयुक्तांनी सांगितले. 

काही काळापासून सायबर क्राईमच्या घटनांमध्ये सातत्याने वाढ होत आहे. हॅकर्स ट्विटर (Twitter) आणि फेसबुक (Facebook) अकाउंटला टार्गेट करत आहेत. हे थांबवण्यासाठी भारतात (India) सर्व एजन्सी कार्यरत असून कडक यंत्रणा तयार करण्याचे प्रयत्न सुरू आहेत. 

• हरियाणातील सायबर क्राईमवर मंथन
  हरियाणामध्ये गृह मंत्रालयातर्फे एक चिंतन शिविर आयोजित केले जात आहे, ज्यामध्ये सायबर क्राईमवर (Cyber Crime) विशेष लक्ष केंद्रित केले जाईल. या शिबिरात अनेक राज्यांतील उच्च पोलीस अधिकारी उपस्थित आहेत. गुरुवारी 27 ऑक्टोबर रोजी गृहमंत्री अमित शहा यांनी या चिंतन शिबिराला संबोधित केले. सायबर गुन्हे, अंमली पदार्थांची तस्करी, सीमा व्यवस्थापन, कट्टरतावाद यांसह अनेक आव्हानांवर चिंतन शिबिरात विचारमंथन केले जात आहे. पंतप्रधान नरेंद्र मोदी (PM Modi) आज व्हिडिओ कॉन्फरन्सिंगद्वारे  या शिबिराला संबोधित करणार आहेत.

• व्हॉट्सअॅपबाबत ही सायबर हल्ला

काही दिवसांपूर्वी लोकप्रिय व्हॉट्सअॅप (Whats App) सुमारे दीड तास बंद असताना सायबर हल्ला झाल्याचीही शक्याता दर्शवली जात होती. सायबर तज्ज्ञांचा असा विश्वास होता की हे सायबर सुरक्षा भंगाचे प्रकरण आहे. इतके दिवस व्हॉट्सअॅप बंद राहिल्याने आश्चर्य वाटले. पण, व्हॉट्सअॅपने जारी केलेल्या निवेदनात ही तांत्रिक चूक असल्याचे म्हटले आहे. ही त्रुटी का आणि कशी झाली याची माहिती कंपनीने दिलेली नाही.