देशातील व्यस्त विमानतळापैकी एक असलेल्या मुंबई विमानतळावर (Mumbai International airport) तुफान गर्दी पाहायला मिळाली. सगळीकडे गोंधळाचे वातावरण पाहायला मिळाले. प्रवाशांनी आपली प्लाईट्स मिस होण्याला गर्दी हाताळता न आलेल्या एअरपोर्ट यंत्रणेला जबाबदार ठरवलं आहे. बऱ्याच वेळापासून प्रवासी लांबच लांब रांगामध्ये अडकून राहिल्याचं चित्र होतं. मात्र दुसरीकडे डोमेस्टीक एअरलाईन्स असलेल्या इंडिगो कंपनीने (Indigo Company) प्रवाशांना सुरक्षेच्या तपासासाठी आवश्यक वेळ मिळण्यासाठी तात्काळ रिपोर्ट करण्याचा सल्ला दिला होता. तर काही प्लाईट्संना उशीरा सोडण्याचा निर्णय घेण्यात आला आहे.

दरम्यान, विमानतळावरील एक अधिकाऱ्याने सांगितले की, सणासुदीच्या पार्श्वभूमीवर प्रवाशांच्या संख्येमध्ये मोठ्या संख्येने वाढ झाली आहे. विमानतळावर अतिरिक्त सुरक्षारक्षकांना तैनात करण्यात आले आहे. आम्ही आमच्या सुरक्षेमध्ये कोणत्याही प्रकारची कसर सोडलेली नाही. मात्र सुरक्षा तपासणीमुळे ही तोबा गर्दी वाझली आहे. आम्ही तात्काळ एक प्रसिध्द वक्तव्य प्रसिध्द करु.

तसेच, निराश झालेल्या प्रवाशांनी सोशल मिडियावर आपला संताप व्यक्त करण्यास सुरुवात केली. यातच प्रसिध्द गायक विशाल दादलानी (Vishal Dadlani) यांनी आपल्या ट्वीटमध्ये म्हटले आहे की, मुंबई विमानतळावर सध्या गोंधळाचे वातावरण आहे. असं वाटतयं की आम्ही आधीच्या कोणत्यातरी काळात आहोत. लोकांची तुफान गर्दी आहे. विमानताळावरील मशीन्स काम करु शकत नाहीत. सगळीकडे अराजकतेचे वातावरण पसरलेले आहे. एअरपोर्ट कर्मचारी आपल्या परीने शक्य तेवढी प्रवाशांना मदत करत आहेत. हे अराजकतेचे वातावरण कशामुळे पसरले आहे, कृपया त्यांना टॅक करा.