कोरोना संक्रमणाचा सर्वात जास्त फटका बसलेल्या महाराष्ट्रात मागच्या 24 तासांत 57 हजार पेक्षा जास्त कोरोना रुग्ण आढळून आले आहेत. तर 920 लोकांचा मृत्यू झाला आहे. राज्यात एका दिवसात आलेल्या मृत्यूचा हा आतापर्यंतचा सर्वात मोठा आकडा आहे. (More than 57,000 corona patients have been found in Maharashtra in the last 24 hours.)

राज्याच्या परिस्थितीचा आढावा घेताना शहरानुसार विचार केल्यास पुणे शहरात कोरोनाचे सर्वात जास्त (9084 नवीन) कोरोना रुग्ण आढळून आले असून, 93 लोकांचा मृत्यू झाला आहे. तर मुंबई शहरात मागच्या 24 तासात कोरोनाचे 3882 नवे रुग्ण आढळून आले असून, 77 लोकांचा मृत्यू झाला आहे. विदर्भ विभागातील नागपूर शहरात 4,433 नवे रुग्ण आढळून आले असून 57 लोकांचा मृत्यू झाला आहे. नाशिक शहरात देखील मागच्या 24 तासांत 3,767 नवे कोरोना रुग्ण आढळून आले असून, 101 रुग्णांचा मृत्यू झाला आहे.

कोरोनापासून रक्षण करण्यासाठी घरातच बनवला मिनी हॉस्पिटलचा सेटअप 

महाराष्ट्रातील (Maharashtra) नाशिक हे असे शहर आहे जिथे कोरोनामुळे 100 पेक्षा जास्त रुग्णांचा मृत्यू झाला आहे. सकारात्मक गोष्ट ही आहे की मागच्या 24 तासांत तब्बल 57,006 रुग्ण बरे होऊन घरी गेले आहेत. राज्यात कोरोना पॉझिटिव्ही होण्याचा दर सध्या 17.19 टक्के एवढा असून रिकव्हरी रेट 85.32 टक्के एवढा आहे. कोरोनामुळे मृत्यू (Corona Deaths) होण्याचे प्रमाण 1.49 टक्के एवढे असल्याचे समजते आहे.  

देशाचा विचार केला तर देशात मागच्या 24 तासांत 3,82,315 नवे कोरोना (Corona) रुग्ण आढळून आले आहेत. तर विशेष बाब म्हणजे यातील 71 टक्के रुग्ण फक्त महाराष्ट्र, उत्तरप्रदेश आणि दिल्ली सहित 10 राज्यांत सापडले आहेत. या सर्व नव्या आकडेवारीसह देशात कोरोना रुग्णांची संख्या 2,06,65,148 एवढी झाली आहे.