राज ठाकरे यांनी औरंगाबाद येथे घेतलेल्या सभेत पुन्हा भोंगा आणि हनुमान चीलीसा मुद्यावरुन राज्य सरकारला सुनावलं आहे. यावरुन आरोप - प्रत्यारोपाच्या फैरी सुरुच असून महाविकास आघाडीचे नेते राज ठाकरे यांच्या खांद्यावरुन भाजप महाविकास आघाडी सरकारवर निशाणा साधत असल्याचा सुर आळवते आहे. तर राज ठाकरे यांच्या समर्थनात भाजप नेते ही उतरले आहेत. (MahaVikas Aghadi Raj Thackeray will be jailed - Chandrakant Patil )

राज ठाकरे यांच्या विरोधात पोलिसांनी मंगळवारी गुन्हा दाखल केला. तर १३ हजार मनसे कार्यकर्त्यांना पोलिसांकडून नोटिस बजावण्यात आल्या. मंगळवारी सायंकाळी राज यांनी पत्रक जारी करुन जिथे जिथे भोंग्यावरून बांग दिली जाते तिथे तिथे भोंग्यावरून हनुमान चालीसाचे पठण करावे, असं आवाहन केलं आहे.

मात्र या प्रकरणामध्ये भाजपाचे प्रदेशाध्यक्ष चंद्रकांत पाटील यांनी महाविकास आघाडीचा उल्लेख करत वेगळीच शंका उपस्थित कतर या पार्श्वभूमीवर प्रतिक्रिया देताना चंद्रकांत पाटील यांनी ट्विटरवरुन महाविकास आघाडीला लक्ष्य केलंय.चंद्रकांत पाटील यांनी पुढे बोलताना म्हटले आहे कि, हिंदुत्वाची मुस्कटदाबी करायचीच, हाच या सरकारचा अजेंडा आहे. या परिस्थितीत कोर्टानं आदेश दिलेले भोंगे काढा म्हणणाऱ्या राज ठाकरेंबाबतही वेगळं काय होणार ?,” असा प्रश्न चंद्रकांत पाटलांनी विचारलाय.

तसेच अन्य एका ट्विटमध्ये त्यांनी, “बेकायदा भोंग्याच्या आवाजानं होणाऱ्या ध्वनिप्रदूषणाला आक्षेप असल्याचं राज ठाकरेंनी स्पष्ट केलंय. हे भोंगे काढण्याचे आदेश न्यायालयानेही दिलेत. प्रसंगी न्यायालयाचा अवमान करू, पण हिंदुत्वाची मुस्कटदाबी करूच, अशी भूमिका मविआ सरकार घेईल आणि राज ठाकरेंनांही निश्चितच तुरुंगात डांबेल,” असंही म्हटलंय.