महाराष्ट्र राज्य मार्ग परिवहन महामंडळ (MSRTC) ने म्हटले आहे की शुक्रवारपासून 75 वर्षांवरील लोक त्यांच्या बसमधून विनामूल्य प्रवास करू शकतात. MSRTC द्वारे जारी केलेल्या विज्ञप्तिमध्ये शेखर चन्ने, उपाध्यक्ष आणि राज्य-संचालित परिवहन उपक्रमाचे महाव्यवस्थापक यांना उद्धृत केले आहे. या मोफत प्रवास योजनेसाठी पात्र असलेल्यांनी 26 ऑगस्टपूर्वी त्यांचे तिकीट बुक केले असल्यास त्यांना भाड्याची रक्कम परत मिळेल.

65 ते 75 वर्षे वयोगटातील लोकांना उपक्रमाद्वारे चालवल्या जाणार्‍या सर्व प्रकारच्या बस सेवांवर तिकीट भाड्यात 50 टक्के सवलत मिळेल. आधार कार्ड (Adhar Card), पॅनकार्ड (Pan Card), ड्रायव्हिंग लायसन्स, मतदार ओळखपत्र यांसारखी ओळखपत्रे दाखवून मोफत प्रवास सुविधेचा लाभ घेता येईल.

* शहर बसमध्ये ही सुविधा उपलब्ध होणार नाही

एमएसआरटीसीच्या शहर बससाठी (Bus) ही सुविधा उपलब्ध नाही. ती राज्याच्या हद्दीतील प्रवासासाठी असेल, असेही प्रसिद्धीपत्रकात म्हटले आहे. या नव्या सुविधेची घोषणा मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी काही दिवसांपूर्वी विधानसभेत केली होती. MSRTC कडे 16,000 हून अधिक बसेस आहेत आणि मार्च 2020 मध्ये कोरोना महामारी सुरू होण्यापूर्वी सुमारे 65 लाख लोक दररोज या बसमधून प्रवास करत होते.

* गणपती उत्सवासंदर्भात राज्य सरकारची जनतेला ही भेट

महाराष्ट्र (Maharashtra) सरकारने गणपती उत्सवाच्या (Ganpati Festival) पार्श्वभूमीवर मुंबई-बेंगळुरू आणि मुंबई-गोवा (Mumbai-Goa) महामार्गावरील टोलनाके तसेच सार्वजनिक बांधकाम विभागाच्या इतर रस्त्यांवरील टोलनाके 27 ऑगस्ट ते 11 सप्टेंबरपर्यंत माफ केले आहेत. एका अधिकाऱ्याने शुक्रवारी ही माहिती दिली.

अधिकाऱ्याच्या म्हणण्यानुसार, सरकारच्या या निर्णयामुळे राज्याच्या विविध भागातून कोकण किनारपट्टीच्या दिशेने प्रवास करणाऱ्या गणपती भक्तांना दिलासा मिळणार आहे. मुख्यमंत्री कार्यालयाने जारी केलेल्या निवेदनात म्हटले आहे की, टोलमध्ये दिलेल्या या सूटचा लाभ घेऊ इच्छिणाऱ्यांनी प्रादेशिक परिवहन प्राधिकरणाशी संपर्क साधावा.