महाराष्ट्रात सध्या विधानसभा निवडणुकीची रणधुमाळी पाहायला मिळत आहे. निवडणूक बंदोबस्तासाठी गोवा आयआरबी पोलिस पथकातील एक वरिष्ठ अधिकारी मुंबईत 'पर्यटन' करत असल्याची माहिती मिळाली आहे.

दरम्यान, महाराष्ट्र विधानसभा निवडणुकीच्या बंदोबस्तासाठी गोव्यातून आयआरबी पोलिसांच्या पाच कंपन्या पाठवण्यात आल्या आहेत. यामध्ये प्रत्येकी एक निरीक्षक, एक उपनिरीक्षक, दोन सहायक उपनिरीक्षक आणि 80 हवालदार आणि कॉन्स्टेबल मिळून 84 जणांच्या तुकडीसह 420 पोलिस, स्वयंपाकी आणि इतर मिळून 30 असा एकूण 450 जणांचा समावेश आहे. त्यांच्याबरोबर या कंपन्यांवर देखरेखीसाठी एक उपनिरीक्षक आणि त्यांच्याबरोबर ऑपरेटर म्हणून कर्मचारी निवडणूक ड्यूटीवर पाठवण्यात आलेत.

गोवा पोलिसांची टीम गेल्या 10 नोव्हेंबर रोजी मुंबईत दाखल झाल्या. यातील एक अधिकारी मुंबईचा आपला प्रायव्हेट दौरा असल्यासारखा फाईव्ह स्टार हॉटेलमध्ये उतरला. तो मुंबईभर फिरत आहे. एवढचं नाहीतर त्याच्या दिमतीला असलेले दोन पोलिसही त्याच्याबरोबर मुंबई पर्यटनाचा आनंद घेत आहेत. मात्र हे तीघे सोडून गोवा पोलिसांची टीम महाराष्ट्र निवडणूक बंदोबस्तात कार्यरत आहे.