महाराष्ट्र-कर्नाटक मार्गावर मिरज उपविभागीय पोलिस अधीक्षक पथकाने सापळा रचून गोवा (Goa) विदेशी बनावटीची दारुसह सात लाखाचा मुद्देमाल पकडला आहे. यासंबंधी एकाला पोलिसांनी ताब्यात घेतले आहे. मिरज पोलिसांची (Miraj Police) चोवीस तासातील ही दुसरी मोठी कारवाई आहे. 

मोठ्या कारमधून गोवा बनावटीची विदेशी दारुचा साठा आणला जात असल्याची माहिती मिरज पोलिस पथकाने दिली आहे. त्यानुसार मिरजमध्ये विजय म्हैसाळ रस्त्यावर टाटा सुमो पोलिसांनी अडवली असता त्यामध्ये असलेल्या चौघांनी गाडी सोडून तिथून पळ काढला. मिरज पोलिस पथकाने सुमो गाडीची  तपासणी केली असता त्यामध्ये गोवा बनावटीच्या विदेशी दारुचा साठा आढळून आल्यानंतर तो जप्त केला. 2 लाख 480 रुपये किंमतीची विदेशी दारु, मोबाईल आणि त्याचबरोबर पाच लाख एवढा मुद्देमाल जप्त केला आहे. (Great performance of Miraj police Goa made liquor seized)

मंत्रालयात बॉम्ब ठेवल्याची अफवा; मुंबई पोलिसांकडून सर्च ऑपरेशन

दरम्यान, या प्रकरणी बाबासो पंडित तांबे (Babaso Pandit Tambe), अजय शिंदे (Ajay Shinde) हे दोन आरोपी आहेत. पोलिसांनी बाबासो तांबे याला ताब्यात घेतले आहे. तर अजय शिंदे आणि इतर दोघेजण अद्यापपर्यंत फरार आहेत. मागील दोन दिवस गोवा विदेशी बनावटीची दारु सापडत असल्याने राज्य उत्पादन शुल्क गांधारीच्या भूमिकेत असल्याचे दिसत आहे. मिरज उपविभागीय पोलिस अधिक्षक अशोक विरकर यांनी आज कारवाईसंबंधीची माहिती दिली.