रायगडच्या काशिद येथील समुद्रात चार शालेय विद्यार्थी बुडाले असून, त्यापैकी दोघांना वाचविण्यात यश आले आहे तर, दोघांचा मृत्यू झाला आहे. औरंगाबाद जिल्ह्यातील एका शाळेची सहल रायगड जिल्ह्यात आली असताना, काशिद येथील समुद्र किनाऱ्यावर शाळेचे विद्यार्थी पोहोचले त्यावेळी ही घटना घडली. औरंगाबादमधील कन्नड तालुक्यातील साने गुरुजी विद्यालयाचे हे विद्यार्थी असल्याची प्राथमिक माहिती समोर आली आहे.

(Four Students Drowned at Raigad's Kashid Beach, Two died)

मिळालेल्या माहितीनुसार, औरंगाबादच्या कन्नड येथील साने गुरुजी विद्यालयाच्या विद्यार्थ्यांची सहल रायगड येथे आली. दरम्यान काशिद समुद्र किनाऱ्यावर आल्यांनतर चार विद्यार्थी समुद्रात बुडाले. चारपैकी दोन विद्यार्थ्यांना वाचवण्यात यश आलं तर, दोन विद्यार्थ्यांचा मृत्यू झाला आहे. मृत विद्यार्थ्यांचे मृतदेह सापडले आहेत. दोन विद्यार्थ्यांना वाचवण्यात यश आल्यानंतर त्यांना अलिबाग येथील रुग्णालयात प्राथमिक उपचारांसाठी दाखल करण्यात आलं आहे.

प्रणय कदम, रोहन संतोष बेडवाल, कृष्णा विजय पाटील आणि तुषार हरीभाऊ वाघ हे चार विद्ययार्थी समुद्राच्या पाण्यात बुडाले होते. कृष्णा पाटील आणि कृष्णा वाघ यांना वाचविण्यात यश आले आहे. प्रणय कदम आणि रोहन संतोष बेडवाल या दोघांचा मृत्यू झाला आहे.