नवी दिल्ली : देशात कोरोना रुग्णसंख्या वाढत असल्याने पंतप्रधान नरेंद्र मोदींनी आज सर्व राज्यांच्या मुख्यमंत्र्यांसोबत आढावा बैठक घेतली. या बैठकीत नरेंद्र मोदींनी इंधन दरवाढीवरुन महाराष्ट्रासह तेलंगणा, आंध्र प्रदेश, तामिळनाडू, केरळ, झारखंड, पश्चिम बंगाल या राज्यांनी व्हॅट कमी करायला पाहिजे,” असा सल्ला दिला. (Chief Minister Uddhav Thackeray replied to Prime Minister Modi )

या बैठकिदरम्यान उत्तर देताना मुख्यमंत्री ठाकरे यांनी महाराष्ट्र राज्याची केंद्राकडे असलेल्या थकबाकीची आठवण करुन देत महाराष्ट्र देशात प्रथम क्रमांकावरील राज्य असून राज्याला सुमारे २६ हजार ५०० कोटी रुपये जीएसटी थकबाकीपोटी मिळणे बाकी आहे,” अशी आठवण ही करुन दिली आहे.

या थकबाकीबाबत स्पष्टीकरण देताना “महाराष्ट्राला केंद्रीय कराच्या ५.५ टक्के रक्कम मिळते. एकूण थेट करात महाराष्ट्राचा वाटा ३८.३ टक्के एवढा आहे. संपूर्ण देशात सर्वात जास्त म्हणजे १५ टक्के जीएसटी महाराष्ट्रातून गोळा होतो. थेट कर आणि जीएसटी असे दोन्ही कर एकत्र केले तर महाराष्ट्र देशात प्रथम क्रमांकावरील राज्य आहे. असं असूनही आजही राज्याला सुमारे २६ हजार ५०० कोटी रुपये जीएसटी थकबाकीपोटी मिळणे बाकी आहे,” अशी आठवण उद्धव ठाकरेंनी पंतप्रधान नरेंद्र मोदी यांना दिली आहे.

तसेच तोक्तसारख्या चक्रीवादळात गुजरातला महाराष्ट्रापेक्षा जास्त मदत केली गेल्याचं ही ते सांगाण्यास विसरले नाहीत. आज मुंबईत एक लिटर डिझेलच्या दरामध्ये २४ रुपये ३८ पैसे केंद्राचा तर २२ रुपये ३७ पैसे राज्याचा कर वाटा आहे. पेट्रोलच्या दरात ३१ रुपये ५८ पैसे केंद्रीय कर तर ३२ रुपये ५५ पैसे राज्याचा कर आहे. त्यामुळे राज्यामुळे पेट्रोल व डिझेल महागले आहे असंही मुख्यमंत्री म्हणाले.