राज्यात महागाईचाने उच्चांक गाठला असताना दुसऱ्या बाजूला राज्यातील सामान्य माणसाला आपलं अर्थिक गणित सुरळीत करता यावं यासाठी आपल्या दैनंदीन गरजेच्या वस्तू ही वगळतो आहे. असे असतानाच कल्याणमधील महात्मा फुले पोलीस ठाण्याच्या गस्ती पथकाने कल्याण पश्चिमेतील एस. टी. आगार परिसरात मोठी कारवाई केली आहे.या कारवाईत पोलिसांनी भारतीय चलनातील २५ हजार रुपयांच्या बनावट नोटा जप्त करत तीन तरुणांना अटक केली आहे. (Black money laundering gang busted in Kalyan)

अटक केलेल्या संशयितांची नावे रजनेश कुमार श्रीदुलारूचंद चौधरी (19, रा. कोळसेवाडी), हर्षद नौशाद खान (19 , रा. पत्रीपूल) आणि अर्जुन राधेश्याम कुशवह (19, रा. कोळसेवाडी) अशी आहेत. भारतीय चलनातील बनावट नोटा वटविण्यासाठी येणार असल्याची गुप्त माहिती पोलीस ठाण्याला मिळाली होती. यावरुन ही कारवाई करण्यात आली आहे.

मिळालेल्या माहितीनुसार साध्या वेशातील पोलिसांनी एस. टी. आगार परिसरात सापळा रचत रेल्वे स्थानकातून बाहेर पडणाऱ्या प्रवाशांवर गस्ती पथकानं पाळत ठेवली.त्यानूसार तीन तरुण संशयास्पदरीत्या हालचाली करताना आढळले. त्यानंतर ते अलगद पोलिसांच्या कचाट्यात सापडले. संबंधित तरुणांकडे चौकशी केली असता, ते 25 हजार रुपयांच्या बनावट नोटा घेऊन कल्याण रेल्वे स्थानक परिसरात वटविण्यासाठी आलो होतो, अशी कबुली त्यांनी दिली.