सिंधुदूर्ग जिल्ह्यात शिवसेनेने नारायण राणे यांच्या वर्चस्वाला धक्का दिल्याचा दावा शिवसेना खासदार विनायक राऊत (Vinayak Raut)यांनी केला. सिंधुदूर्गातील देवगड नगर पंचायतीत महाविकास आघाडीने सत्ता प्रस्थापित केली. या ठिकाणी भाजपा आणि शिवसेनेला प्रत्येकी ८ जागा मिळाल्या असून १ जागा राष्ट्रवादीला कॅांग्रेस ला मिळाली आहे.

अश्याप्रकारे या नगरपंचायतीत महाविकास आघाडीने सत्ता मिळवली आहे. त्यामुळे देवगड नगरपंचायतीवर महाविकास सत्ता येईल असे जवळ जवळ स्पष्ट झाले आहे. गेल्या निवडणुकीमध्ये देवगड नगरपंचायतीमध्ये शिवसेनेचा फक्त एक नगरसेवक होता. नितेश राणे (Nitesh Rane)यांच्या मतदारसंघात असलेल्या या नगरपंचायतीत भाजपची सत्ता होती. (Sindhudurg Nagar Panchayat Election)

वैभववाडी नगर पंचायतीमध्ये शिवसेनेचा एकही नगरसेवक नव्हता. त्या ठिकाणी यावर्षी शिवसेनेचे ५ तर शिवसेना पुरस्कृत दोन उमेदवारांचा विजय झाला आहे.त्याठिकाणीही शिवसेना आणि राष्ट्रवादीचे मिळून ९ उमेदवार विजयी झाले आहेत.

कुडाळच्या मतदारांनी नारायण राणेंना व त्यांच्या मुलांचे नेतृत्व नाकारले - वैभव नाईक कुडाळच्या मतदारांनी नारायण राणे व त्यांच्या मुलांचे नेतृत्व नाकारत भाजपाला सत्तेपासून दूर ठेवलं. काँग्रेस (Congress)या निवडणूकीत स्वतंत्र लढली असली तरी राज्यात महाविकास आघाडीचं सरकार आहे. त्यामुळे काँग्रेसच्या वरीष्ठ नेत्यांशी चर्चा करून कुडाळ नगरपंचायतीत महाविकास आघाडीचा नगराध्यक्ष आणि उपनगराध्यक्ष बसवणार असं आमदार वैभव नाईक यांनी सांगितलं आहे. कुडाळ नगरपंचायतीमध्ये यापूर्वी शिवसेनेचे (Shivsena)५ नगरसेवक होते. तर आता शिवसेनेचे ७ नगरसेवक निवडून आले आहेत. याठिकाणी काँग्रेसने सहकार्य केल्यास आमची सत्ता येईल, असा दावाही विनायक राऊत यांनी केला.

दापोली नगरपंचायतमध्ये शिवसेना-राष्ट्रवादीला स्पष्ट बहुमत

दुसरीकडे कोकणातील आणखी एक प्रतिष्ठेची लढत असलेल्या दापोली नगरपंचायतीमध्येही शिवसेनेची सरशी झाली. दापोली नगरपंचायत निवडणूकीत पालकमंत्री अनिल परब यांनी जाहीर केलेल्या शिवसेना राष्ट्रवादी आघाडी ला सत्तेत मोठा विजय मिळाला आहे. याठिकाणी ११ जागांचे निकाल हाती आले. यापैकी ९ जागांवर शिवसेना तर २ जागांवर राष्ट्रवादी काँग्रेसचे उमेदवार विजयी झाले आहेत. त्यामुळे दापोलीतल रामदास कदम विरुद्ध अनिल परब (Anil Parab)या वादात शिवसेनेची स्पष्टपणे सरशी झाली.