औरंगाबाद येथून एक धक्कादायक बातमी समोर आली आहे. औरंगाबाद शहर पोलीस दलातील सहायक पोलीस आयुक्त विशाल ढुमे यांनी एका महिलेची छेडछाड काढल्याची घटना घडली. याप्रकरणी ढुमे यांच्यावर रविवारी गुन्हा दाखल करण्यात आला.

दरम्यान त्यांना अटक करून, न्यायालयात हजर केले असता, न्यायालयाने त्यांना 14 दिवसांची न्यायालयीन कोठडी सुनावली आहे.

मिळालेल्या माहितीनुसार, सहायक पोलीस आयुक्त विशाल ढुमे यांच्यावर त्यांच्याच मित्राच्या 30 वर्षीय पत्नीची छेडछाड केल्याचा आरोप करण्यात आला. पीडीत महिलेने याप्रकरणी पोलिसांत तक्रार दिली व ढुमे यांच्यावर सिटी चौक पोलिसांत गुन्हा दाखल करण्यात आला.

सिटी चौक पोलिसांनी ढुमे यांना याप्रकरणी अटक केली. दरम्यान, आज त्यांना न्यायालयात हजर केले असता, न्यायालयाने 14 दिवसांची न्यायालयीन कोठडी सुनावली आहे.

सहायक पोलीस आयुक्त विशाल ढुमे यांच्यावर कठोर कारवाई करण्याची मागणी राजकीय नेत्यांनी केली देखील होती.