ईडीने महाराष्ट्र राज्य सहकारी बँक घोटाळा प्रकरणात एक मोठा साखर कारखाना जप्त केला आहे. ईडीने साखर कारखान्याच्या मालकाचे नाव उघड केले नाही, परंतु सूत्रांच्या माहितीनुसार ही साखर कारखान्याचे राज्याचे उपमुख्यमंत्री अजित पवार यांचे जवळचे मित्रअसल्याचे सांगितल जात आहे.परंतु याबद्दल अधिकृत माहिती मिळू शकली नाही.

सन 2019 मध्ये मुंबई पोलिसांनी महाराष्ट्र राज्य सहकारी बँकेच्या घोटाळ्याप्रकरणी अजित पवार यांच्यसह इतर 70 जणांविरूद्ध एफआयआर दाखल केला होता, परंतु महानगर दंडाधिकारी न्यायालयात क्लोजर रिपोर्ट दाखल केला होता. 23 सप्टेंबर 2019 रोजी पोलिसांनी 5 हजार कोटींच्या घोटाळ्यात शरद पवार आणि अजित पवार यांचे नाव घेतले होते. पुरावा नसल्यामुळे मुंबई पोलिसांनी हे प्रकरण बंद केले.

परंतु आता महाराष्ट्र राज्य सहकारी बँकेच्या घोटाळ्यातील मुंबई पोलिसांच्या बंदीच्या अहवालाला ईडीने विरोध केला असून यामध्ये सत्ताधारी राष्ट्रवादी कॉंग्रेस मधील प्रमुख नेत्यांची नावे देण्यात आली आहेत. ईडीने मुंबई पोलिसांनी दाखल केलेल्या क्लोजर अहवालाची प्रत मागितली होती आणि पोलिसांच्या क्लोजर अहवालाला आव्हानही दिले होते. त्यानंतर ईडी या प्रकरणाची चौकशी करत आहे.

हा घोटाळा सुमारे पाच हजार कोटींचा आहे . 2019 मध्ये ईडीने कथित गैरव्यवहाराबद्दल अनेक लोकांचे जबाब नोंदवले होते.मात्र मुंबई पोलिसांना या प्रकरणात काहीही सापडले नसल्यामुळे कोणतीही प्रगती झालेली नव्हती.

महाराष्ट्र राज्य सहकारी बँक घोटाळा प्रकरणात आज ईडीने एक साखर कारखाना जप्त केली असून आता पर्यंत ईडीने साखर कारखान्याच्या मालकाचे नाव उघड केले नाही, परंतु सूत्रांच्या माहितीनुसार ही साखर कारखानदारी अजितदादांच्या जवळची असल्याचे सांगितले जाते. अजित पवार यांना पुन्हा ईडीच्या रडारवर आणले आहे.

अगोदरच राष्टवादी कांग्रेसचे अनिल देशमुख यांच्यावर ईडीची कारवाई सुरु आहे आणि त्यात आता हे प्रकरण समोर आल्याने अजित पवार आणि राष्ट्रवादी काँग्रेसच्या अडचणी वाढ होण्याची श्यक्यता आहे.