मुरगावचे आमदार संकल्प आमोणकर यांनी एका 'ब्लाइंड केस'मध्ये विक्रमी वेळेत सहा आरोपींना अटक केल्याबद्दल पोलीस टीमचा सत्कार केला. आमदार आमोणकर आणि नाईक कुटुंबीयांनी मुरगावचे पोलीस निरीक्षक शेरीफ जॅक आणि वास्कोचे पोलीस निरीक्षक वैभव नाईक यांची भेट घेऊन, मुंबईतून सहा आरोपींना मुरगाव पोलीस स्टेशनपर्यंत आणल्याबद्दल त्यांचे कौतुक केले. आमदारांनी आणि पीडित कुटुंबाने अधिकाऱ्यांचा सत्कार करत त्यांच्या समर्पण आणि वेळेवर केलेल्या कारवाईबद्दल कृतज्ञता व्यक्त केली. मुरगावच्या जनतेनेही पोलिसांच्या या कामगिरीचे कौतुक केले.

साळगाव येथील दुहेरी हत्याकांड (प्रकरणाच्या तपासात पोलिसांना मोठे यश मिळाले आहे. पोलीस महासंचालक (DGP) आलोक कुमार यांनी माहिती दिली की, या प्रकरणातील संशयिताची ओळख पटली आहे. ते म्हणाले, "आम्ही लवकरच याबद्दलची स्वतंत्र आणि सविस्तर माहिती देऊ."

पूजा नाईक 'कॅश-फॉर-जॉब' प्रकरणाबद्दल बोलताना पोलीस महासंचालक (DGP) आलोक कुमार यांनी माहिती दिली की, या प्रकरणाची चौकशी अजूनही सुरू आहे आणि ती लवकरच पूर्ण होईल. त्यांनी सांगितले की, "आत्तापर्यंत तिने केलेले आरोप खरे असल्याचे आढळले नाहीये." चौकशी पूर्ण झाल्यानंतर आम्ही याबद्दलची सविस्तर माहिती देऊ, असेही त्यांनी स्पष्ट केले.

पिळगाव येथील साई धाममध्ये झालेल्या चोरीच्या घटनेचा डिचोली पोलिसांनी छडा लावला आहे. पोलिसांनी याप्रकरणी एका संशयित आरोपीला अटक केली आहे. या चोरट्याने मंदिरातील साईबाबांच्या गळ्यातील रुद्राक्षाची चांदीची माळ लंपास केली होती.

धारबांदोडा येथील धाडे नदीत मंगळवारी संध्याकाळी बुडून मृत्यू झालेल्या १५ वर्षीय मुलाचा मृतदेह आज (गुरुवारी) सापडला आहे. मित्रांसोबत सहलीला गेलेल्या या मुलाचा तोल गेल्याने तो नदीत बुडाला होता. दोन दिवसांच्या शोधकार्यानंतर आज त्याचा मृतदेह मिळाला.