गोव्यात पुढील तीन दिवस हवामान बदलत राहणार असून १ ऑक्टोबरपर्यंत पावसाची शक्यता हवामान खात्याने वर्तवली आहे. राज्यातील विविध भागांत अधूनमधून हलका ते मध्यम स्वरूपाचा पाऊस सुरू राहील.

गोव्याचे वीज मंत्री सुदिन ढवळीकर यांनी माहिती दिली आहे की, वीज खात्यातील नवीन प्रकल्पासाठी जैका या संस्थेमार्फत प्रक्रिया सुरू करण्यात आली आहे. या प्रकल्पासाठी अंदाजे ५ हजार कोटी रुपये खर्च अपेक्षित आहे.

गोवा जिल्हा रुग्णालयातील एक रुग्णवाहिका रविवारी सकाळी अपघातग्रस्त झाली. रुग्णाला गोवा वैद्यकीय महाविद्यालयात उपचारासाठी घेऊन जात असताना गिरी सर्व्हिस रोडवरील खराब रस्त्यामुळे ही रुग्णवाहिका उलटली. सुदैवाने या अपघातात रुग्णाला कोणतीही दुखापत झाली नाही. तत्काळ आरोग्य विभागाच्या कर्मचाऱ्यांनी धाव घेऊन रुग्णाला सुरक्षितपणे दुसऱ्या रुग्णवाहिकेत हलवले आणि पुढील उपचारासाठी जीएमसी येथे रवाना केले.

शनिवारी रात्री उशिरा मोबोर बीचवर झालेल्या ट्रॉलर अपघातामुळे २७ मच्छिमारांना धोका निर्माण झाला होता, या सर्वांना संयुक्त मोहिमेत वाचवण्यात आले. जीवरक्षक सतीश गावकर, समीर गावकर आणि लवू गावकर यांनी किनाऱ्यावरचे पोलिस आणि स्थानिक रहिवासी फ्रान्ससिओ फेरेंडेस (पेले) यांच्यासह जेट स्की आणि इतर मदतीचा वापर करून मच्छिमारांना सुरक्षित ठिकाणी आणले.

कोडार येथील आयआयटी प्रकल्पा विरोध करणाऱ्या एसटी बांधवाना गाकूवेदचा पाठींबा. पदाधिकाऱ्यांनी शनिवारी रात्री ग्रामस्थांची घेतली भेट

गोवा डेअरीला २०२४ -२५ या वर्षात १ कोटी २७ लाख रुपयाचा नफा. वार्षिक सर्वसाधारण सभेत माहिती.

आपचे राष्ट्रीय संयोजक अरविंद केजरीवाल ४ आणि ५ ऑक्टोबर रोजी गोव्याला भेट देणार आहेत.

जलस्रोत खात्याचे मंत्री सुभाष शिरोडकर कोडार वाड्यावरील ग्रामस्थांना भेटून आयआयटी प्रकल्प रद्द केल्याची घोषणा. ग्रामस्थाची संख्या कमी.

ऑल गोवा मर्चंट असोसिएशनच्या पणजीत रविवारी बैठक झाली. या बैठकीत व्यापाऱ्यांनी युनायटेड ऑल गोवा मर्चंट असोसिएशन असे नामकरण करण्याचा निर्णय घेण्यात आला. तसेच सातजणांची निमंत्रित समिती निवडण्यात आल्याची माहिती देण्यात आली. दरम्यान, या बैठकीत मर्चंट असोसिएशनच्या अध्यक्षांच्या अनुपस्थितीचे पडसाद उमटले

आमदार जीत आरोलकर यांनी आपल्या निवासस्थानी नवरात्रोत्सवाच्या निमित्ताने एकूण 28 कन्यांचे पूजन केले. यावेळी एडवोकेट सिद्धी आरोलकर व आमदार जीत आरोलकर यांनी विधिवत पूजन सोहळा केला.