कोकण रेल्वे महामंडळाने ठोकूर ते बायंडूर तसेच माजोर्डा ते वैभववाडी या रेल्वे मार्गाचे दुपदरीकरण करण्याच्या कामासाठी व्यवहार्यता अहवाल तयार करण्यासाठी निविदा मागविल्या आहेत. हे अंतर २६३ कि.मी. अंतर आहे. रोहा ते वीर या ४७ कि.मी. मार्गाचे दुपदरीकरण यापूर्वीच पूर्ण करण्यात आले आहे. कोकण रेल्वे महामंडळ ७४१ कि.मी. पैकी ३१० कि.मी. मार्गाचे दुपदरीकरण पूर्ण करण्यासाठी कोकण रेल्वे महामंडळ सज्ज झाले आहे.

माजोर्डा येथील धीरयो प्रकरणी अटकेत असलेल्या तीनपैकी दोघांची न्यायालयीन कोठडीत रवानगी करण्यात आली आहे, तर एकाची प्रकृती बिघडल्याने त्याला इस्पितळात दाखल करण्यात आले आहे. या प्रकरणातील अन्य एक संशयित रुई मिनेझिस हा अद्याप फरार असून अजूनही तो पोलिसांना सापडू शकलेला नाही.

कोलव्यात एका दंतक्लिनिकला आज सकाळी अचानक आग लागली. सध्या आग लागण्याचे कारण अद्याप समजू शकलेले नाही. अग्निशमन दल त्वरित घटनास्थळी पोहोचले आणि आग विझवली.

राज्यात आठवड्याभरापासून पावसाचा जोर मंदावला होता; परंतु शुक्रवारी दुपारनंतर राज्यात पावसाने पुन्हा जोर धरला आहे. बंगालच्या उपसागरातून पश्चिमेकडे सरकणारा कमी दाबाचा पट्टा मध्य भारतातून पुढे जात असल्याने गोव्यासह मध्य भारत, महाराष्ट्र आणि इतर काही भागांत पुढील दोन-तीन दिवस मध्यम ते मुसळधार पाऊस बरसण्याची शक्यता आहे.