मरडी वाडा मोरची येथील श्री कल्चरल क्लब मार्फत मोरजी मर्यादित दिवाळीच्या निमित्ताने नारळ फोडणे स्पर्धा आयोजित करण्यात आली. या स्पर्धेचे उद्घाटन मोरर्जेचे सरपंच विलास मोरर्जी माजी उपसरपंच आणि श्री दाडोबा देवस्थानचे अध्यक्ष अमित शेटगावकर यांच्या हस्ते करण्यात आले. मान्यवरांच्या उपस्थितीत बक्षीस वितरणही त्याच दिवशी करण्यात आले

चिंचणी येथील अपघातप्रकरणी कुंकळ्ळी पोलिसांनी कारचालकावर गुन्हा नोंद केला आहे. स्वाती मयेकर (३८) असे संशयिताचे नाव असून, पोलिसांनी गुन्हा नोंदविला आहे. ही घटना २३ सप्टेंबरला घडली होती. भरधाव वेगाने कार चालवून चालकाने एका बुलेट दुचाकीला धडक दिली होती. त्‍यात बुलेट चालक क्लिफ्टन डिसोझा (४४) हा जखमी झाला होता.

फोंडा येथील सिल्वा नगर येथे रस्त्याने चालत असताना कारने धडक दिल्याने एका ८ वर्षांच्या मुलीचा मृत्यू झाला.

काणकोण येथील माशेम येथे नरकासुर स्पर्धेदरम्यान जोरदार वाद झाला, ज्यामुळे लोलीये येथील रोनी फर्नांडिस आणि पैंगिण येथील राजेंद्र चारी या दोन सहभागींना ताब्यात घेण्यात आले. नरकासुर मिरवणुकीच्या मार्गावर जाण्यावरून झालेल्या वादातून ही हाणामारी झाल्याचे वृत्त आहे. दोन्ही व्यक्तींना दंडाधिकाऱ्यांसमोर हजर करण्यात आले आणि नंतर जामिनावर सोडण्यात आले.

नगरगाव पंचायत क्षेत्रातील धावे सत्तरी येथील मारूती मंदिरात दिवाळीच्या आदल्या दिवशी काल रविवारी रात्री श्रीकृष्ण पूजन करून एक आदर्श निर्माण केला आहे. एरव्ही राज्यभर आदल्या दिवशी श्रीकृष्णा ऐवजी नरकासूराचा उदोउदो केला जातो. पण धावे येथील ब्राम्हणवाडीतील नागरिकांनी श्रीकृष्णाच्या प्रतिमेचे पुजन केले. मंदिराचे पुजारी तथा पत्रकार पद्माकर केळकर यांनी पुजा केली. तर पुरोहित श्रीधर भावे यांनी पूजा सांगितली. यावेळी मोठ्या संख्येने नागरिक उपस्थित होते. पुरोहीत श्रीधर भावे म्हणाले अनिष्ठ गोष्टींना फाटा देण्याची गरज असून धावें वासियांनी ठेवलेला आदर्श हा स्त्ुत्य आहे. गेल्या अनेक वर्षापासून ही परंपरा सुरु ठेवली आहे असे भावे म्हणाले. यावेळी आरती म्हणून सर्वांना गुळपोहे प्रसाद म्हणून वितरीत करण्यात आले.