पटियाला, पंजाब येथून कुटुंबासोबत गोव्यात सुट्टी घालवण्यासाठी आलेले हरिंदरजीत (वय ४१) यांचा मंगळवारी दुःखद अंत झाला. कांदोळी येथील एका हॉटेलच्या तिसऱ्या मजल्यावरून पडून त्यांचा मृत्यू झाला. पहाटे ४.०६ वाजता कळंगुट पोलिसांना घटनेची माहिती मिळाली आणि त्यांनी तातडीने घटनास्थळी धाव घेतली. मात्र, हरिंदरजीत यांचा उपचारापूर्वीच मृत्यू झाला. त्यांचा मृतदेह बांबोळी येथील जीएमसी येथे जतन करण्यात आला आहे.