माजी वर्ल्ड रेसलिंग एंटरटेनमेंट म्हणजे WWE चॅम्पियन 'द ग्रेट खली' (WWE Star Khali) दलीप सिंग राणा वादात सापडला आहे. त्याचा एक व्हिडिओ सोशल मीडियावर व्हायरल होत आहे, ज्यामध्ये तो टोल प्लाझाच्या लोकांशी भांडताना दिसत आहे. एवढेच नाही तर खलीवर टोल प्लाझाच्या व्यक्तीला हानामारी केल्याचाही आरोप आहे.

खलीला टोल प्लाझाच्या अधिकाऱ्याने ओळखपत्र मागितले म्हणून हा वाद निर्माण झाला असे व्हिडिओमध्ये दाखवले जात आहे. त्याचवेळी एक कर्मचारी फोटो काढण्यासाठी जबरदस्तीने कारमध्ये घुसत होता, त्यामुळे ही घटना घडली असे स्पष्टिकरण खलीने दिले. व्हिडिओमध्ये खली कर्मचाऱ्यावर ब्लॅकमेल केल्याचा आरोपही करताना दिसत आहे.

खली जालंधरहून कर्नालला जात असतानाची ही घटना आहे. हा व्हिडिओ फिल्लोरजवळील टोल प्लाझाचा आहे. एक कर्मचारी फोटो काढण्यासाठी कारमध्ये शिरला होता. नकार दिल्याने हा वाद झाला. यानंतर बाकीचे कर्मचारी आले आणि त्यांनी त्यांच्या गाडीला घेराव घातला आणि ब्लॅकमेल करण्यास सुरुवात केली.

यानंतर खली आपल्या कारमधून बाहेर आला आणि त्याने बॅरीयर काढून कार बाहेर काढण्यास सुरुवात केली. दरम्यान, एका कर्मचाऱ्याने खलीला रोखण्यास सुरुवात केली. यावर स्टार पैलवानाने त्याला पकडून बाजूला केले. ही घटना व्हिडिओमध्येही कैद झाली आहे. खली एक रेसलर असून तो भारतीय जनता पक्षाचा (BJP) नेता देखील आहे.

या घटनेनंतर कर्मचाऱ्यांनाही आपली बाजू स्पष्ट केली. आम्ही खलीकडून फक्त ओळखपत्र मागितले. यावर खलीने आम्हाला हाणामारी केली. असे अधिकाऱ्याने सांगितले. एवढेच नाही तर या व्हिडिओमध्ये एक कर्मचारी खलीला माकड म्हणत असल्याचे ऐकू येते आगे. दरम्यान संतप्त कर्मचारी खलीला बाहेर जाऊ देत नव्हते. यानंतर पोलीस घटनास्थळी पोहोचले.