WTC Points Table 2024: सध्या ऑस्ट्रेलिया आणि वेस्ट इंडिज यांच्यात कसोटी मालिका सुरु आहे. पहिला सामना जिंकून ऑस्ट्रेलियाने मालिकेत 1-0 अशी आघाडी घेतली आहे. पहिला कसोटी सामना जिंकल्यानंतर ऑस्ट्रेलियन संघाला आता जागतिक कसोटी चॅम्पियनशिपच्या गुणतालिकेत मोठा फायदा झाला आहे. या सामन्यापूर्वी जरी ऑस्ट्रेलियन संघ जागतिक कसोटी चॅम्पियनशिप गुणतालिकेत पहिल्या स्थानावर होता, परंतु हा सामना जिंकल्यानंतर ऑस्ट्रेलियाने आपले स्थान अधिक मजबूत केले आहे.
1. ऑस्ट्रेलिया (61.11 गुण)
2. भारत (54.16 गुण)
3. दक्षिण आफ्रिका (50.0 गुण)
4. न्यूझीलंड (50.0 गुण)
5. बांगलादेश (50.0 गुण)
6. पाकिस्तान (36.66 गुण)
दुसरीकडे, पहिल्या कसोटी सामन्यात ऑस्ट्रेलियाचा विजय आणि वेस्ट इंडिजचा पराभव याचा फायदा इंग्लंडच्या संघाला झाला आहे. इंग्लंडचा संघ आता एका स्थानाच्या वाढीसह सातव्या स्थानावर पोहोचला आहे. यापूर्वी इंग्लंडचा संघ गुणतालिकेत आठव्या स्थानावर होता. इंग्लंड सातव्या स्थानावर आल्यानंतर श्रीलंका संघ 9व्या स्थानावर घसरला आहे. त्याचबरोबर ऑस्ट्रेलियाच्या विजयामुळे भारतीय संघाचे कोणतेही नुकसान झालेले नाही. भारतीय संघ अजूनही दुसऱ्या स्थानावर आहे. याशिवाय वेस्ट इंडिजचा संघ आठव्या स्थानावर घसरला आहे. इतर संघांच्या स्थितीत कोणताही बदल झालेला नाही. दक्षिण आफ्रिकेचा संघ अजूनही तिसऱ्या स्थानावर आहे, तर पाकिस्तानचा संघ सहाव्या स्थानावर कायम आहे.
आता भारत आणि इंग्लंड यांच्यातील कसोटी मालिका 25 जानेवारीपासून सुरु होणार आहे. जागतिक कसोटी चॅम्पियनशिपच्या फायनलच्या दृष्टिकोनातून ही कसोटी मालिका दोन्ही संघांसाठी खूप महत्त्वाची आहे. ही कसोटी मालिका जिंकून भारतीय संघ जागतिक कसोटी चॅम्पियनशिपच्या पॉइंट टेबलमध्ये पहिल्या क्रमांकावर येऊ शकते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.