World Athletics Championships: टीम इंडियाचा माजी क्रिकेटर वीरेंद्र सेहवाग कोणत्या कोणत्या कारणासाठी चर्चेत असतो. यातच आता तो पुन्हा एकदा चर्चेत आला आहे. नीरज चोप्राने वर्ल्ड अ‍ॅथलेटिक्स चॅम्पियनशिपमध्ये रौप्य पदक जिंकल्याबद्दल सेहवागने एक ट्विट केले आहे. जे आता प्रचंड व्हायरल होत आहे. नीरज चोप्रासाठी पहिले तीन प्रयत्न निराशाजनक होते, परंतु चौथ्या थ्रोने त्याने जोरदार पुनरागमन करुन रौप्यपदकावर दावा केला. नीरज चोप्राच्या या विजयावर पंतप्रधान नरेंद्र मोदींसह भारतातील सर्व सेलिब्रिटींनी त्याचे अभिनंदन केले. यामध्ये वीरेंद्र सेहवागचे ट्विट सर्वाधिक पसंत केले जात आहे.

सेहवागने (Virender Sehwag) ट्विटमध्ये म्हटले की, 'चॅम्पियन नीरज चोप्राचे (Neeraj Chopra) आभार. जागतिक अ‍ॅथलेटिक्स चॅम्पियनशिपमध्ये रौप्य पदक जिंकून तुम्ही पुन्हा एकदा भारताला गौरव प्रदान केला आहे.'

दुसरीकडे, नीरज चोप्राने टोकियो ऑलिम्पिकमध्ये (Tokyo Olympics) सुवर्णपदक जिंकले होते. भालाफेकमध्ये तो सातत्याने चमकदार कामगिरी करत आहे. जागतिक अ‍ॅथलेटिक्स चॅम्पियनशिपमध्ये पदक जिंकणारा नीरज चोप्रा हा दुसरा भारतीय खेळाडू आहे. त्याच्या आधी हा पराक्रम अंजू बॉबी जॉर्जने 2003 मध्ये केला होता, जेव्हा त्याने लॉन्ग जम्पमध्ये कांस्यपदक जिंकले होते.